କାଳୀ ପୂଜା ସମୟରେ ଚୋରି କରୁଥିବା ଗ୍ୟାଙ୍ଗକୁ ଧରିଲା ପୋଲିସ

ଭଦ୍ରକ : କାଳୀ ପୂଜା ସମୟରେ ଚୋରି କରୁଥିବା ଗ୍ୟାଙ୍ଗକୁ ଧରିଲା ସିମୁଳିଆ ପୋଲିସ । କାଳୀ ପୂଜା ଭିଡ଼ର ସୁଯୋଗ ନେଇ ଚୋର ଗ୍ୟାଙ୍ଗ ମୋବାଇଲ ଚୋରି କରି ଫେରାର ହେଉଥିଲେ । ଭଦ୍ରକ ଚରମ୍ପାରେ କାଳୀପୂଜା ଚାଲୁଥିବା ବେଳେ ଏହିପରି ଭାବେ ଅନେକ ଲୋକଙ୍କ ମୋବାଇଲ ଚୋରି ହୋଇଥିଲା  ସେ ବାବଦରେ ଭଦ୍ରକ ଥାନାରେ ଲିଖିତ ଅଭିଯୋଗ କରାଯାଇଥିଲା। ସିମୁଳିଆ ଥାନା ଏଆଇସି ଖୋଳତାଡ କରି ମୋବାଇଲ ଖୋଜିଥିଲେ। ଚୋରମାନଙ୍କୁ ପୋଲିସ ଅଟକ ରଖି ତଦନ୍ତ କରୁଥୁବାବେଳେ ଚୋରି ହୋଇଥିବା ମୋବାଇଲକୁ ନେବା ପାଇଁ ଅନେକ ଲୋକଙ୍କ ଭିଡ଼ ଦେଖିବାକୁ ମିଳିଛି ।

ସୂଚନା ଅନୁଯାଇ ୨୬ଟି ମୋବାଇଲ ସିମୁଳିଆ ପୋଲିସ ଜବତ କରିଥିବାବେଳେ ସମସ୍ତ ଚୋରଙ୍କୁ ଅଟକ ରଖି ତଦନ୍ତ କରୁଥିବା ଜଣା ପଡ଼ିଛି | ଏହି ଚୋରମାଙ୍କ ମଧ୍ୟରେ ଅନେକ ଛୋଟ ଛୋଟ ପିଲା ଏବଂ ମହିଳା ମାନେ ଥିବାବେଳେ କିଛି ପୁରୁଷ ଲୋକ ଅନେକ ଗୁଡ଼ିଏ ମୋବାଇଲ୍ ନେଇ ଏବେବି ଫେରାର ଥିବା ଜଣା ପଡିଛି।