ଡିପ୍ ବୋରଓ୍ବେଲର ପଡ଼ିଗଲେ ବୃଦ୍ଧା, ଉଦ୍ଧାର କାର୍ଯ୍ୟ ଜାରି

ସୁବର୍ଣ୍ଣପୁର: ସୁବର୍ଣ୍ଣପୁର ଜିଲ୍ଲା ସଦର ବ୍ଲକ କଇଁଫୁଲ ଗାଁରେ ଅଘଟଣ । ଡିପ୍ ବୋରଓ୍ବେଲରେ ପଡିଗଲେ ବୃଦ୍ଧା । ବୃଦ୍ଧା ଜଣକ ବୋରଓ୍ବେଲର ୨୦ ଫୁଟ ତଳେ ଥିବା ଜଣାପଡିଛି । ଖବର ପାଇ ସୋନପୁର ଓ ତରଭା ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛି ।

ବୃଦ୍ଧ ମହିଳା ଖଲିଆପାଲି ପଚଂୟତ ଗୋବିନ୍ଦପୁର ଗାଁର ୬୦ ବର୍ଷିୟା ଦୁଃଖୀ ନେଗୀ ବୋଲି ଜଣାପଡିଛି I ଗତ କାଲି ବୃଦ୍ଧା ନିଜ ଝିଅ ଘର କଇଁଫୁଲ ଗାଁକୁ ଆସିଥିଲେ I ଗତ କାଲି ରାତିରେ ଝିଅ ଘର ବାଡି ପଟେ ଏକ ବୋର ଓ୍ବେଲରେ ପଡିଯାଇଥିଲେ I ବୋରଓ୍ବେଲଟି ନୂଆକରି ଖୋଳା ଯାଇଥିବା ବେଳେ ପ୍ରାୟ ୨୦ଫୁଟ ଅଧିକ ଓସାରିଆ ଥିବାରୁ ମହିଳା ଖସି ପଡିଥିଲେ Iତେବେ ବର୍ତ୍ତମାନ ମହିଳା ୨୦ ଫୁଟ ତଳେ ଥିବା ବେଳେ ସୋନପୁର ଓ ତରଭା  ଅଗ୍ନିଶ୍ରମ ବାହିନୀ ଘଟଣାସ୍ଥଳକୁ ଯାଇ ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି I ବର୍ତ୍ତମାନ ବୋଲଓ୍ବେଲ ଭିତରକୁ  ଅକ୍ସିଜେନ ଦିଆଯାଇଛି ଓ  ଜେସିବି ମେସିନ ଡକାଯାଇ ମହିଳାଙ୍କୁ ଉଦ୍ଧାର କରିବା ପ୍ରୟାସ କରାଯାଉଛି I