କଟକ: ଆରମ୍ଭ ହେଲା କଳାଟଙ୍କା ସମ୍ପର୍କିତ ଏସଆଇଟିର ନବମ ବୈଠକ । ଉପାଧ୍ୟକ୍ଷ ଜଷ୍ଟିସ ଅରିଜିତ ପଶାୟତଙ୍କ କଟକ ବାସଭବନରେ ବୈଠକ ଚାଲିଛି । ବୈଠକରେ କେନ୍ଦ୍ର ଓ ରାଜ୍ୟ ସରକାରଙ୍କ ବିଭିନ୍ନ ବିଭାଗର ବହୁ ବରିଷ୍ଠ ଅଧିକାରୀ ଯୋଗ ଦେଇଛନ୍ତି । ରାଜ୍ୟରେ ବୃଦ୍ଧି ପାଉଥିବା ନିଶା କାରବାର ପ୍ରସଙ୍ଗରେ ନାରକୋଟିକ୍ସ କଣ୍ଟ୍ରୋଲ ବ୍ୟୁରୋ ପକ୍ଷରୁ ମଧ୍ୟ ତଥ୍ୟ ରଖାଯାଇପାରେ ।
ଇଡି ଏବଂ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ବ୍ୟତୀତ ସିବିଆଇ, ଆୟକର ବିଭାଗ, ସିବିଡିଟି, କ୍ରାଇମବ୍ରାଞ୍ଚ, ଭିଜିଲାନ୍ସ, ଜିଏସଟି, ରାଜସ୍ବ, ଗୁଇନ୍ଦା ଭଳି ବିଭିନ୍ନ ତଦନ୍ତକାରୀ ସଂସ୍ଥାର ବରିଷ୍ଠ ଅଧିକାରୀ କଳାଧନ ଠୁଳ ଅଭିଯୋଗ ନେଇ କରିଥିବା ତଦନ୍ତର ସବିଶେଷ ରିପୋର୍ଟ ପ୍ରଦାନ କରିବେ । ସୁପ୍ରିମକୋର୍ଟଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ କଳାଧନ ସମ୍ପର୍କରେ ଏହି କମିଟି ଗଠନ ହୋଇଛି ।
