ଡ୍ରଗ୍ସ ଲିଙ୍କରେ ଗିରଫ ଆର୍ଯ୍ୟନଙ୍କ ସରୁଛି ରିମାଣ୍ଡ ଅବଧି, ରିମାଣ୍ଡ ଅବଧି ବଢ଼ାଇବା ପାଇଁ NCB କରିପାରେ ଆବେଦନ
ମୁମ୍ବାଇ: ଏନସିବି ହେପାଜତରେ ଆର୍ଯ୍ୟନ ଖାନଙ୍କର ଆଜି ଶେଷ ଦିନ। ଡ୍ରଗ୍ସ ଲିଙ୍କ ମାମଲାରେ ଗିରଫ ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କୁ ଏନସିବି ହେପାଜତକୁ ନେଇଥିବା ବେଳେ ଆଜି ଅବଧି ଶେଷ ହେଉଛି। ଆର୍ଯ୍ୟନଙ୍କ ସହିତ ଗିରଫ ଅନ୍ୟ ଦୁଇ ଜଣଙ୍କର ହେପାଜତ ଅବଧି ମଧ୍ୟ ପୂରଣ ହେଉଛି। ଏନସିବି ହେପାଜତରେ ଥିବା ବେଳେ ଆର୍ଯାନଙ୍କ ମୁହଁରୁ ସତ ଉଗାରିଛି ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ। ପଚରାଉଚରା ବେଳେ ନିଜେ ଡ୍ରଗ୍ସ ବ୍ୟବହାର କରିବା ମାନିବା ସହିତ ଅନେକ ଗୁମର ଖୋଲିଛନ୍ତି ଶାହାରୁଖଙ୍କ ପୁଅ। ଆର୍ଯାନଙ୍କ ମୋବାଇଲ୍ ଚାଟରୁ ଗୁରୁତ୍ୱପୂର୍ଣ୍ଣ ତଥ୍ୟ ପାଇଛି ଏନସିବି। ତାଙ୍କ ବିରୋଧରେ ୨ଟି ପ୍ରମାଣକୁ ଆଧାର କରି ମାମଲା ଚାଲିଛି। କ୍ରୁଜ୍ ପାର୍ଟିରେ ଆର୍ଯ୍ୟନଙ୍କୁ ଆମ୍ବାସାଡର କରାଯାଇଥିବା ମଧ୍ୟ ଜଣାପଡିଛି। ସେ ଡ୍ରଗସ୍ ବ୍ୟବସାୟୀଙ୍କଠାରୁ ଡ୍ରଗ୍ସ ଓ ନିଶାଦ୍ରବ୍ୟ ପାଉଥିବା ସ୍ପଷ୍ଟ ହୋଇଛି। ଆଜି ଏନସିବି ହେପାଜତ ସରିବା ପରେ ବେଲ୍ ପାଇଁ ଆବେଦନ କରିପାରନ୍ତି ଆର୍ଯ୍ୟନଙ୍କ ଓକିଲ। ସେପଟେ ରେଭ ପାର୍ଟି ରେଡ ବେଳେ ଗିରଫ ଦୁଇ ଓଡ଼ିଆଙ୍କ ନିକଟରୁ ଜବତ ହୋଇଥିଲା ଚରସ, ଡ୍ରଗ୍ସ, ଗଞ୍ଜେଇ। ଉଭୟ ପାର୍ଟିକୁ ନିଶାଦ୍ରବ୍ୟ ଯୋଗାଉଥିବା କହିଛି ଏନସିବି। ସେପଟେ ଗିରଫ ଦୁଇ ଓଡ଼ିଆ ମନୀଷ ଏବଂ ଅଭିନକୁ ଫସାଇ ଦିଆଯାଇଥିବା ଅଭିଯୋଗ ଆଣିଛନ୍ତି ଉଭୟଙ୍କ ବାପା। ମାମଲାରେ ବର୍ତ୍ତମାନ ସୁଦ୍ଧା ୧୬ ଜଣ ଗିରଫ ହୋଇଛନ୍ତି।
