କରୋନା ବିରୋଧରେ ନବୀନଙ୍କ ପଦକ୍ଷେପକୁ ଜାତୀୟ ଗଣମାଧ୍ୟମର ପ୍ରଶଂସା

1 min read

କରୋନା ସଂଘର୍ଷ ପାଇଁ ଜାତୀୟ ଗଣମାଧ୍ୟମରେ ହିରୋ ବନିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନବୀନଙ୍କ ବୃଢ଼ ପଦକ୍ଷେପ ପାଇଁ ଆଜି ଓଡ଼ିଶାରେ ଏତେ କମ୍‌ କରୋନା ଆକ୍ରାନ୍ତ ହୋଇଛନ୍ତି । ଓଡ଼ିଶାରେ କରୋନା ମୁକାବିଲା ପଦକ୍ଷେପ ପାଇଁ  ଜାତୀୟ ଗଣମାଧ୍ୟମରେ ନବୀନଙ୍କ ଚର୍ଚ୍ଚା । ରାଜସ୍ଥାନରୁ ପ୍ରକାଶ ପାଇଥିବା ଖବର କାଗଜ ଦୈନିକ ନବଜ୍ୟୋତି ଆଜମେର୍ ଏଡିସନ୍‌ର ପ୍ରଥମ ପୃଷ୍ଠାରେ ନବୀନଙ୍କ କରୋନା ମୁକାବିଲା ସଂପର୍କିତ ଏକ ତୁଳନାତ୍ମକ ଖବର ପ୍ରକାଶ ପାଇଛି । ଯେଉଁଥିରେ ଲେଖାଯାଇ ବିପର୍ଯ୍ୟୟ ପରିଚାଳନାରେ ଚାଣକ୍ୟ କୁହାଯାଉଥିବା ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଠାରୁ ଅନ୍ୟ ରାଜ୍ୟମାନେ ଶିକ୍ଷାଲାଭ କରନ୍ତୁ ।

ଖାଲି ସେତିକି ନୁହେଁ । ସେଥିରେ ଆହୁରି ମଧ୍ୟ ଉଲ୍ଲେଖ ରହିଛି କି  ଓଡ଼ିଶା ହେଉଛି ଦେଶର ପ୍ରଥମ ରାଜ୍ୟ  ଯିଏ କରୋନା ପାଇଁ ପ୍ରଥମେ ହେଲ୍ପ ଲାଇନ୍ ନମ୍ବର ଜାରି କରିଥିଲା । ପ୍ରଥବେ ବିଦେଶରୁ ଆସୁଥିବା ଲୋକଙ୍କୁ ପଂଜୀକରଣ ବ୍ୟବସ୍ଥା କରିଥିଲା । ଓଡ଼ିଶା ପ୍ରଥମ ରାଜ୍ୟ ଯେଉଁଠି ପ୍ରଥମ ହୋଟେଲରେ କ୍ୱାରେଣ୍ଟାଇନ ବ୍ୟବସ୍ଥା ଆରମ୍ଭ କରାଯାଇଛି ।

ଚିନ୍‌ ପରେ ଓଡ଼ିଶାରେ ଏକା ଥରକେ ୧ହଜାର ବେଡ଼ କରୋନା ଆକ୍ରାନ୍ତଙ୍କ ପାଇଁ ତିଆରି କରାଯାଇଛି । ଯେଉଁଥିପାଇଁ ରାଜ୍ୟ ସରକାର ଦୁଇଟି ଡାକ୍ତରଖାନା ସହ ଚୁକ୍ତି ସ୍ୱାକ୍ଷର କରିଛନ୍ତି ।  ଓଡ଼ିଶା ହେଉଛି ପ୍ରଥମ ରାଜ୍ୟ ଯିଏକି ସବୁ ରାଜ୍ୟର ମୁଖ୍ୟମନ୍ତ୍ରୀମାନଙ୍କୁ ସେମାନଙ୍କ ରାଜ୍ୟରେ ଥିବା ଓଡିଆ ଲୋକଙ୍କ ସହାୟତା ଓ ଖାଦ୍ୟ ପେୟ ଯୋଗାଇ ଦେବାକୁ ଅନୁରୋଧ କରିଛି । ଅନ୍ୟ ରାଜ୍ୟର ଲୋକଙ୍କ ପାଇଁ ଓଡ଼ିଶାରେ ସମସ୍ତ ସୁବିଧା ଯୋଗାଇ ଦିଆଯିବ ବୋଲି  ଓଡ଼ିଶା ସରକାର ଘୋଷଣା କରିବା ସହିତ କାର୍ଯ୍ୟ ମଧ୍ୟ ଆରମ୍ଭ କରିଛି।  ଅନ୍ୟ ରାଜ୍ୟର ପାଖାପାଖି ୨୦ ହଜାର ଶ୍ରମିକ ଓ ଫସି ରହିଥିବା ଲୋକଙ୍କ ପାଇଁ ଓଡ଼ିଶା ସରକାର ଖାଦ୍ୟପେୟ ବ୍ୟବସ୍ଥା କରିଛନ୍ତି ।

କେବଳ ଦୈନିକ ନବଜ୍ୟୋତି ନୁହେଁ ଦୈନିକ ଭାସ୍କର ମଧ୍ୟ ନବୀନଙ୍କ ବିପର୍ଯ୍ୟୟ ମୁକାବିଲା ରଣନୀତିକୁ ପ୍ରଶଂସା କରିଛି । କରୋନା ମୁକାବିଲା ପଦକ୍ଷେପ ନେବାରେ ନବୀନଙ୍କ ନେତୃତ୍ୱରେ ଓଡ଼ିଶା ଢେର ଆଗରେ ଅଛି ବୋଲି ଭାସ୍କର ତା’ରିପୋର୍ଟରେ କହିଥିଲା ।

https://www.bhaskar.com/db-original/news/naveen-patnaik-odisha-government-disaster-management-package-amid-coronavirus-outbreak-in-india-127064617.html

 

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.