କୁମ୍ଭକର୍ଣ୍ଣର ପୂର୍ବଜନ୍ମର ରହସ୍ୟ ଜାଣିଲେ ହୋଇଯିବେ ଆଶ୍ଚର୍ଯ୍ୟ

୧. କୁମ୍ଭକର୍ଣ୍ଣର ଭୋଜନ ଅଭ୍ୟାସ ପାଇଁ ଦେବତା ମଧ୍ୟ ଚିନ୍ତିତ ଥିଲେ

କୁମ୍ଭକର୍ଣ୍ଣ ରାମାୟଣର ଏକ ପ୍ରମୁଖ ଚରିତ୍ର । ରାବଣର ଏହି ଭାଇ ଏତେ ବିଶାଳ ଏବଂ ଭୟଙ୍କ ଥିଲା ଯେ ସେ ଏକା ସାଙ୍ଗରେ ୧୬ଟି ଗାଁର ଭୋଜନ ଖାଇ ଶେଷ କରିଦେଉଥିଲେ । ଖାଲି ସେତିକି ନୁହେଁ ଖାଦ୍ୟ ନମିଳିଲେ ସେ ପ୍ରଜା ମାନଙ୍କୁ ମଧ୍ୟ ଜୀବନ୍ତ ଖାଇଦେଉଥିଲେ । କୁମ୍ଭକର୍ଣ୍ଣର ଏହି ଅଭ୍ୟାସ ଦେଖି ସ୍ୱଂୟ  ବ୍ରହ୍ମା ମଧ୍ୟ ଚିନ୍ତିତ ଥିଲେ । ତେଣୁ ଯେତେବେଳେ କୁମ୍ଭକର୍ଣ୍ଣ ବ୍ରହ୍ମାଙ୍କୁ ତପସ୍ୟା କଲେ ବରଦାନ ମାଗିବା ସମୟରେ ମା ସରସ୍ୱତୀ କୁମ୍ଭକର୍ଣ୍ଣଙ୍କ କଣ୍ଠରେ ଯାଇ ବସିପଡ଼ିଲେ । ଏହାର ପରିଣାମ ସ୍ୱରୂପ କୁମ୍ଭକର୍ଣ୍ଣ ଇନ୍ଦ୍ରାଶନ କହିବା ବଦଳରେ ନିଦ୍ରାଶନ କହିଥିଲା । ବ୍ରହ୍ମା ଏଥିରେ ହସିଦେଇ ସୃଷ୍ଟିର ରକ୍ଷା ପାଇଁ ତାକୁ ତଥାସ୍ତୁ ବୋଲି କହିଥିଲେ  ।

୨. କୁମ୍ଭକର୍ଣ୍ଣର ପୂର୍ବଜନ୍ମ

ରାବଣର ଅନୁରୋଧ କ୍ରମେ କୁମ୍ଭକର୍ଣ୍ଣକୁ ୬ ମାସରେ ଥରେ ନିଦରୁ ଉଠିବା ପାଇଁ ବରଦାନ ଦିଆଗଲା । ଯାହାଫଳରେ କୁମ୍ଭକର୍ଣ୍ଣ ୬ ମାସରେ ଥରେ ଉଠି ଭୋଜନ କରି ପୁଣି ଶୋଇପଡୁଥିଲା । ଏହି ଭାୟଙ୍କର ରାକ୍ଷସର କାହାଣୀ କେବଳ ଏତିକି ନୁହେଁ । ରାମାୟଣରେ କୁମ୍ଭକର୍ଣ୍ଣର ପୂର୍ବଜନ୍ମର କାହାଣୀ ମଧ୍ୟ ଉଲ୍ଲେଖ ରହିଛି ।  ଏହି ଭୟଙ୍କର ରାକ୍ଷସ ମହାଭାରତରେ ଭଗବାନ ବିଷ୍ଣୁଙ୍କ ସହିତ ଯୁଦ୍ଧ ମଧ୍ୟ କରିସାରିଛି ।

୩. ଭଗବାନ ବିଷ୍ଣୁଙ୍କ ସହ ୫ ହଜାର ବର୍ଷ ଯାଏ କରିଥିଲା ଯୁଦ୍ଧ

ପୂର୍ବଜନ୍ମରେ ଭଗବାନ ବିଷ୍ଣୁଙ୍କୁ ଯୁଦ୍ଧ ପାଇଁ ଆହ୍ୱାନ ଦେଇ ବୈକୁଣ୍ଠ ଯାଏ ପହଞ୍ଚଯାଇଥିଲା ଏହି ରାକ୍ଷସ । ନିଜ ଭାଇ ମାନଙ୍କୁ ନେଇ କୁମ୍ଭକର୍ଣ୍ଣ ଭଗବାନ ବିଷ୍ଣୁଙ୍କ ସହ ୫ ହଜାର ବର୍ଷ ଯୁଦ୍ଧ କରିଥିଲା ଯାହା ଦେବୀଭଗବତ ପୁରାଣରେ ଉଲ୍ଲେଖ ରହିଛି । ପୂର୍ବଜନ୍ମରେ କୁମ୍ଭକର୍ଣ୍ଣ ମଧୁ ନାମକ ଜଣେ ରାକ୍ଷସ ଥିଲା ଏବଂ ତା ଭାଇର ନାଁ କୈଟଭ ଥିଲା । ଭଗବାନ ବିଷ୍ଣୁଙ୍କ ସହ ଯୁଦ୍ଧ କରିବାର ଯେତେବେଳେ ୫ ହଜାର ବର୍ଶ ହୋଇଗଲା ସେତେବେଳେ ଦେବୀ ଯୋଗମାୟା ତାର ବୁଦ୍ଧିକୁ ହରଣ କରିନେଲେ ।  କୁମ୍ଭକର୍ଣ୍ଣ ଅହଂକାରରେ ଆସି ଭଗବାନ ବିଷ୍ଣୁଙ୍କୁ ବରଦାନ ମାଗିବାକୁ କହିଲା ଆଉ ବିଷ୍ଣୁଙ୍କ ଜାଲରେ ଫସିଗଲା ।

୪. ପୂର୍ବଜନ୍ମରେ କୁମ୍ଭକର୍ଣ୍ଣର ଏଭଳି ହୋଇଥିଲା ମୃତ୍ୟୁ   

ଭଗବାନ ବିଷ୍ଣୁ କହିଲେ ଯେ, ‘ତୁମେ ନିଜର ମୃତ୍ୟୁର ଉପାୟ କୁହ ।’ ନିଜ ବଚନରେ ମଧୁ ଏବଂ କୈଟଭ ଫସିଯାଇଥିଲେ । ସେ କହିଲା ତା ମୃତ୍ୟୁ କେବଳ ଭଗବାନଙ୍କ ଜଙ୍ଘରେ ହୋଇପାରିବ । ତାପରେ ଭଗବାନ ନିଜ ଶରୀରକୁ ବିସ୍ତାର କରି ନିଜ ଯଙ୍ଘରେ ଦୁଇ ଭାଇଙ୍କୁ ରଖି ସୁଦର୍ଶନ ଚକ୍ରରେ ଦୁହିଁଙ୍କ କର ମର୍ଦନ କରିଥିଲେ ।

୫. ମରିବା ପୂର୍ବରୁ କୁମ୍ଭକର୍ଣ୍ଣ ବିଭୀଷଣକୁ କ’ଣ କହିଥିଲା-

କୁମ୍ଭକର୍ଣ୍ଣ ରାକ୍ଷସ ହୋଇ ବି ରାମଙ୍କ ମାୟା ଜାଲକୁ ବୁଝିପାରିଥିଲା । ସେ ଭାଇ ରାମକୁ ମଧ୍ୟ ବୁଝାଇବାକୁ ଚେଷ୍ଟା କରିଥିଲା ଯେ ରାମ କୌଣସି ସାଧାରଣ ବ୍ୟକ୍ତି ନୁହଁନ୍ତି । ୟାଙ୍କ ସହ ଲଢ଼େଇ କଲେ ରାକ୍ଷସ ଜାତିର ବିନାଶ ହେବା ଥୟ ।  କିନ୍ତୁ ରାବଣ ନିଜ ଅହଂକାରରେ ବୁଡ଼ି ରହିଥିଲା । ସେ କୁମ୍ଭକର୍ଣ୍ଣକୁ ହି କଟୁକଥା କହିଥିଲା । ରାମଙ୍କ ହାତରେ ମରିଲେ ମୋକ୍ଷ ପାଇବେ ବୋଲି ଜାଣି ମଧ୍ୟ କୁମ୍ଭକର୍ଣ୍ଣ ଭାଇ ରାବଣର ଆଦେଶ ମାନି ଯୁଦ୍ଧ କ୍ଷେତ୍ରକୁ ଆସିଥିଲେ । ଯୁଦ୍ଧ ଆରମ୍ଭ ହେବା ପୂର୍ବରୁ କୁମ୍ଭକର୍ଣ୍ଣ ବିଭୀଷଣକୁ ଆସି ରାମଙ୍କ ସହିତ ମିଶି ଧର୍ମର ପାଳନ କରିବାକୁ ଆଦେଶ ଦେଲେ । ସେ କହିଥିଲେ, ଏହି ଯୁଦ୍ଧ ପରେ ରାକ୍ଷସ ଜାତିକୁ କେହି ଅଗ୍ନୀ ଦେବା ପାଇଁ ନଥିବେ । ଏହି ସମୟରେ କେବଳ ତୁମେ ହି ବଞ୍ଚିପାରିବା ଆଉ ମୋତେ ଅଗ୍ନି ଦେଇ ମୋ ଆତ୍ମାକୁ ମକ୍ତି ଦେଇପାରିବ ।