ଠକ ଖୋଲିଲା ଠକେଇ ରହସ୍ୟ

ଭୁବନେଶ୍ୱର: ରାଜଧାନୀର ହାଇଟେକ୍ ଠକ ଖୋଲିଲା ଠକେଇ ରହସ୍ୟ । ଜାଲ କାଗଜପତ୍ରରେ ଅନ୍ୟ ନାମରେ ଲୋନ କରି ଠକେଇ ମାମଲାରେ ରିମାଣ୍ଡରେ ଥିବା ଠକ ସ୍ମୃତିରଞ୍ଜନ ସାହୁ ଖୋଲିଲା ରହସ୍ୟ । ମୃତ ବ୍ୟକ୍ତିଙ୍କ ନାମରେ ୨୨ ଲକ୍ଷ ଟଙ୍କା ଲୋନ କରି ଉଠେଇ ଥିଲା ଟଙ୍କା । ଠକ ସ୍ମୃତିରଞ୍ଜନ ସାହୁ ନାମରେ ବଢ଼ିଲା ଠକେଇ ଅଭିଯୋଗ । ଏକ ଘରୋଇ ବ୍ୟାଙ୍କରୁ ଟଙ୍କା ଉଠାଇଥିଲା ସ୍ମୃତି ରଞ୍ଜନ । ଏନେଇ ଘରୋଇ ବ୍ୟାଙ୍କ ମ୍ୟାନେଜର ଖାରବେଳ ନଗର ଥାନାରେ ଅଭିଯୋଗ କରିଛନ୍ତି ।

ନିଜକୁ ସେଣ୍ଟ୍ରାଲ ବ୍ୟାଙ୍କ ଅଫ ଇଣ୍ଡିଆ କର୍ମଚାରୀର ପରିଚୟ ଦେଇ ଠକୁଥିଲା ସ୍ମୃତି ରଞ୍ଜନ । ସ୍ମୃତି ରଞ୍ଜନକୁ ଅଡ଼ଶପୁରରୁ ଗିରଫ କରି ରିମାଣ୍ଡରେ ନେଇ ଜେରା କରୁଛି ମଞ୍ଚେଶ୍ୱର ଥାନା ପୋଲିସ । ନକଲି ପାନ୍‌ କାର୍ଡ, ଆଧାର କାର୍ଡ ତିଆରି କରି ଠକେଇ କରୁଥିଲା । ଫାଇନାନ୍ସ କମ୍ପାନୀ ସହ ବିଭିନ୍ନ ବ୍ୟାଙ୍କରେ ଫେକ ଡକୁମେଣ୍ଟ ଦେଇ ସ୍ମୃତି ରଞ୍ଜନ ଲୋନ ଆଣିବା ସହ ଅନେକ ଲୋକଙ୍କୁ ଠକିଥିବା ଅଭିଯୋଗ ରହିଛି ।