ପଥର ଖଣିରେ ଜଗି ବସିଥିଲା ମୃତ୍ୟୁ, ମାଟି ଅତଡ଼ା ଖସି ଚାଲିଗଲା ୩ ଜୀବନ

ଗଞ୍ଜାମ: ମାଟି ଅତଡ଼ା ଖସି ଚାଲିଜଲା ୩ ଜଣଙ୍କର ଜୀବନ । କାମ କରୁଥିବା ବେଳେ ଖସିଥିଲା ମାଟି ଅତଡ଼ା । ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ଥାନା ଅନ୍ତର୍ଗତ ଭାଟକୁମରଡା ଗାଁ ନିକଟ ପଥର ଖଣିରେ ଘଟିଛି ଏଭଳି ଘଟଣା ।

ସୂଚନା ଅନୁଯାୟୀ, ଶ୍ରମିକ ମାନେ ସବୁଦିନ ଭଳି ଆଜି ମଧ୍ୟ କାମକୁ ଯାଇଥିଲେ ।  କିନ୍ତୁ ଆଜି ବୋଧେ ତାଙ୍କର ଭାଗ୍ୟର ନିୟତିରେ କିଛି ଅଲଗା ଲେଖାଥିଲା । ପଥର ଖଣିରେ ଜଗି ବସିଥିଲା କାଳ ।  କାମ କଲା ବେଳେ କାଳ ତାର ଇଚ୍ଛାକୁ ପୁରଣ କରିଥିଲା । ଅପରାହ୍ନରେ ପଥର ଖଣିରେ କାମ କରୁଥିବା ସମୟରେ ହଠାତ୍‌ ଉପରୁ ମାଟି ଓ ପଥର ଅତଡ଼ା ଖସିଥିଲା । ଯେଉଁଥିରେ ୩ ଜଣ ଶ୍ରମିକ ଚାପି ହୋଇଯାଇଥିଲେ । ଘଟଣା ସ୍ଥଳରେ ହିଁ ସେମାନଙ୍କର ମୃତ୍ୟୁ ହୋଇଥିଲା । ମୃତ ଶ୍ରମିକଙ୍କ ମଧ୍ୟରେ ଦୁଇ ଜଣ ମହିଳା ଓ ଜଣେ ପୁରୁଷ ଅଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।