ଭୁବନେଶ୍ୱର: କରୋନା କଟକଣାରେ ହେବ ବିଧାନସଭାର ମୌସୁମୀ ଅଧିବେଶନ। ସେପଟେମ୍ବର ୧ରୁ ୯ତାରିଖ ପର୍ଯ୍ୟନ୍ତ ଅଧିବେଶନ ଚାଲିବ। ଏଥର ମୌସୁମୀ ଅଧିବେଶନ ପାଇଁ କରୋନା ଟେଷ୍ଟ ବାଧ୍ୟତାମୂଳକ ନୁହେଁ। ଯେଉଁମାନେ ଡବଲ ଡୋଜ୍ ଟିକା ନେଇଥିବେ, ସେମାନଙ୍କୁ ବିଧାନସଭାରେ ପ୍ରବେଶ ଅନୁମତି ମିଳିବ ବୋଲି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର କହିଛନ୍ତି। ସାମାଜିକ ଦୂରତା ବଜାୟ ରଖି ୪ଫୁଟ ଦୂରରେ ବିଧାୟକଙ୍କ ବସିବା ବ୍ୟବସ୍ଥା ହୋଇଛି। କିଭଳି ବିଧାନସଭା ଅଧିବେଶନ ସୁରୁଖୁରୁରେ ଚାଲିବ, ସେନେଇ ବାଚସ୍ପତି ବିଭିନ୍ନ ଦଳ ସହ ଆଲୋଚନା କରିବେ। ଚଳିତ ଅଧିବେଶନରେ ୮ଟି କାର୍ଯ୍ୟଦିବସ ରହିଛି। ଶୋଡ଼ଷ ବିଧାନସଭାର ସପ୍ତମ ଅଧିବେଶନରେ ଅନେକ ବିଲ୍ ପାରିତ ହେବାର କାର୍ଯ୍ୟକ୍ରମ ରହିଛି।
