ନାବାଳିକା ବଖାଣିଲା ନିଜ ଅପହରଣର ଲୋମ ଟାଙ୍କୁରା କାହାଣୀ

କେନ୍ଦ୍ରାପଡ଼ା: କେନ୍ଦ୍ରାପଡ଼ା ସଦର ଥାନା ଅନ୍ତର୍ଗତ ବସପୁର  ଅଞ୍ଚଳର ଜଣେ ନାବାଳିକାକୁ ଅପହରଣ ଅଭିଯୋଗରେ ସ୍ଥାନୀୟ ଅଞ୍ଚଳର ଯୁବକ ଗିରଫ। କଳିଙ୍ଗ ନଗରରୁ ଅପହରଣକାରୀକୁ ଗିରଫ କରିଛି ପୋଲିସ । ନାବାଳିକାକୁ ଉଦ୍ଧାର ପରେ ନିଜ ଅପହରଣର ଲୋମ ଟାଙ୍କୁରା କାହାଣୀ ବଖାଣିଛି ନାବାଳିକା। ନାବାଳିକା ଉପରେ ସମ୍ପର୍କୀୟ ଭାଇ ଚନ୍ଦନ ଜେନା ଖରାପ ନଜର ରଖିଥିଲା।

ସୂଚନା ଅନୁଯାୟୀ, ନାବାଳିକା ସ୍କୁଲରୁ ଫେରୁଥିବା ବେଳେ ଗତ ୧୬ ତାରିଖ ଦିନ ଚନ୍ଦନ ଓ ତା ସହଯୋଗୀ ମାନେ ଏକ କାର ଯୋଗେ ଅପହରଣ କରିନେଇଥିଲେ। ଯାଜପୁର ଜିଲ୍ଲା ଡୁବୁରି କଳିଙ୍ଗ ନଗରରେ ନେଇ ରଖିଥିଲେ। ପରିବାର ଲୋକେ ଏନେଇ ସଦର ଥାନାରେ ଅଭିଯୋଗ କରିବାପରେ ପୋଲିସ ଫୋନ ଟ୍ରାକିଙ୍ଗ କରି କଳିଙ୍ଗ ନଗର ଅଞ୍ଚଳରୁ ନାବାଳିକାଙ୍କୁ ଉଦ୍ଧାର କରିଥିଲେ। ଅପହରଣକାରି ଚନ୍ଦନକୁ ଗିରଫ କରି କୋର୍ଟ ଚାଲାଣ କରାଯାଇଛି । ନାବାଳିକାଙ୍କୁ ଚନ୍ଦନ ବାହା ହେବାକୁ ବାଧ୍ୟ କରିବା କଥା ନାବାଳିକା କହିଛନ୍ତି । ଅପହରଣକାରୀ ଚନ୍ଦନକୁ ଗିରଫ କରି କୋର୍ଟ ଚାଲାଣ କରାଯାଇଛି ।