ଆଜି ନାଟଜିଓରେ ପ୍ରସାରଣ ହେବ ବିର୍ସା ମୁଣ୍ଡା ଅନ୍ତର୍ଜାତୀୟ ହକି ଷ୍ଟାଡିୟମର ଗରିମାମୟ ନିର୍ମାଣଶୈଳୀ

ରାଉରକେଲା: ବିଶ୍ୱର ସର୍ବବୃହତ ହକି ଷ୍ଟାଡିୟମ ବିର୍ସା ମୁଣ୍ଡା ଅନ୍ତର୍ଜାତୀୟ ହକି ଷ୍ଟାଡିୟମ ବିଷୟରେ ଜାଣିବେ ବିଶ୍ୱବାସୀ । ଆଜି ରାତି ୮ଟାରେ ନାଟଜିଓରେ ପ୍ରସାରଣ ହେବ ବିର୍ସା ମୁଣ୍ଡାର ଗରିମାମୟ ନିର୍ମାଣ ଶୈଳୀ । ୬୦ ହଜାର ସ୍କୋୟାର ମିଟର ପରିଧି ମଧ୍ୟରେ ନିର୍ମିତ ହୋଇଛି ଏହି ସର୍ବବୃହତ ଷ୍ଟାଡିୟମ । ମାତ୍ର ୧୫ ମାସରେ ନିର୍ମିତ ହୋଇଛି ଏହି ସର୍ବବୃହତ ହକି ଷ୍ଟାଡିୟମ । ଏଥିରେ ୨୦ହଜାରରୁ ଅଧିକ ଦର୍ଶକ ବସିବାର କ୍ଷମତା ରହିଛି ।

ଷ୍ଟାଡିୟମରେ ଏକାଧିକ ଜିମ୍, ହାଇଡ୍ରୋଥେରାପି ପୁଲ୍ ଓ ଅତ୍ୟାଧୁନିକ ତାଲିମ କେନ୍ଦ୍ର ରହିଛି । ବିଶ୍ୱର ସର୍ବବୃହତ ହକି ଷ୍ଟାଡିୟମ ପାଇଁ ଏହା ଗିନିଜ୍ ବୁକ୍ ରେକର୍ଡରେ ସ୍ଥାନ ପାଇଛି । ଗତ ୧୦ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗିନିଜ୍ ବୁକ୍ ରେକର୍ଡ ଗ୍ରହଣ କରିଛନ୍ତି । ମାତ୍ର ୧୫ମାସ ମଧ୍ୟରେ କିଭଳି ଏଭଳି ଅତ୍ୟାଧୁନିକ ଷ୍ଟାଡିୟମ ନିର୍ମାଣ ହେଲା ସେନେଇ ନାସନାଲ ଜିଓଗ୍ରାଫିରେ ପ୍ରସାରଣ ହେବ ।