କୂଅ ଭିତରୁ ମିଳିଲା ଆଇନଜୀବୀଙ୍କ ମୃତଦେହ, ହତ୍ୟା ଅଭିଯୋଗ ଆଣିଲେ ପରିବାର ଲୋକ

କଟକ: କୂଅ ଭିତରୁ ମିଳିଲା ଆଇନଜୀବୀଙ୍କ ମୃତଦେହ । କଟକ ବିଡାନାସୀ ନୂଆସାହିରେ ଘଟିଛି ଏଭଳି ଅଭାବନୀୟ ଘଟଣା । ମୃତ ବ୍ୟକ୍ତି ହେଲେ ଆର୍ଯ୍ୟ ଚୌଧୁରୀ । ସେ ତେଲେଙ୍ଗାବଜାର ବାସିନ୍ଦା ବୋଲି ଜଣାପଡ଼ିଛି । ହତ୍ୟା କରି ତାଙ୍କୁ କୂଅରେ ପକାଇ ଦିଆଯାଇଥିବା ଅଭିଯୋଗ କରିଛନ୍ତି ଆର୍ଯ୍ୟଙ୍କ ପରିବାର ଲୋକ । ମୃତ ଆର୍ଯ୍ୟ ପେସାରେ ଜଣେ ଆଇନଜୀବୀ ହୋଇଥିବା ବେଳେ, ଗତ ୪ ଦିନ ଧରି ସେ ନିଖୋଜ ଥିଲେ । ଘଟଣାସ୍ଥଳରେ ବିଡାନାସୀ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।