ଘନାଉଛି କୋରିଆ ବିବାଦ, ସୀମାରେ ଠୁଳ ହେଲେଣି ୧୮୦ ଯୁଦ୍ଧ ବିମାନ
ନୂଆଦିଲ୍ଲୀ: ଘନୀଭୂତ ହେବାରେ ଲାଗିଛି କୋରିଆ ବିବାଦ । ଦକ୍ଷିଣ କୋରିଆ ସୀମା ନିକଟରେ ୧୮୦ରୁ ଅଧିକ ଉତ୍ତରକୋରିଆ ଯୁଦ୍ଧବିମାନ ଦୃଶ୍ୟମାନ ହୋଇଛି ବୋଲି ଅଭିଯୋଗ କରିଛି ଦକ୍ଷିଣକୋରିଆ ।
ଦକ୍ଷିଣ କୋରିଆକୁ ଉତ୍ତରକୋରିଆ ବିଭିନ୍ନ କ୍ଷେତ୍ରରେ ଟାର୍ଗେଟ କରିଚାଲିଥିବାବେଳେ ମିସାଇଲ ପରୀକ୍ଷା ଓ ଯୁଦ୍ଧ ବିମାନ ଉଡାଣ ଏହି ସମସ୍ୟାକୁ ବହୁଗୁଣିତ କରିଛି ।
ଆଜି ଆମେରିକା ଓ ଦକ୍ଷିଣ କୋରିଆର ମିଲିଟାରୀ ଡ୍ରିଲର ଶେଷ ଦିନ ହୋଇଥିବାବେଳେ ଗତକାଲି ଉତ୍ତରକୋରିଆ ପରୀକ୍ଷା କରିଥିଲା ଆନ୍ତଃମହାଦେଶୀୟ ବାଲିଷ୍ଟିକ ମିସାଇଲ ବା ଆଇସିବିଏମ । ଗତ ୨ ତାରିଖରେ ଉତ୍ତରକୋରିଆ ଲଗାତାର ୨୩ଟି ମିସାଇଲ ପରୀକ୍ଷା ପରେ ବଢିଥିଲା ଟେନସନ ।
