ଦେଶର ଗଣତନ୍ତ୍ରର ହତ୍ୟା, ସମ୍ବିଧାନର ଅପମାନ କରିଛି ବିଜେପି

ନୂଆଦିଲ୍ଲୀ: ନୂଆ ସଂସଦ ଭବନ ଉଦଘାଟନ ପରେ ଦେଶରେ ଗଣତନ୍ତ୍ରର ହତ୍ୟା କରାଯାଇଛି ବୋଲି କହିଛନ୍ତି ବିରୋଧୀ । ବିରୋଧୀଙ୍କ ଅନୁପସ୍ଥିତି ଓ ରାଷ୍ଟ୍ରପତିଙ୍କୁ ନିମନ୍ତ୍ରଣ ବିନା ନୂଆ ସଂସଦ ଭବନର ଉଦଘାଟନ ଅସମ୍ପୂର୍ଣ୍ଣ ବୋଲି ବିରୋଧୀ କହିଛନ୍ତି । ନୂଆ ପାର୍ଲାମେଣ୍ଟ ହାଉସର ଉଦଘାଟନକୁ କେନ୍ଦ୍ରର ଏକଛତ୍ରବାଦ ବୋଲି କହିଛି ଜେଡିୟୁ । ଦେଶର କଳଙ୍କିତ ଇତିହାସ ଲେଖୁଛି ବିଜେପି ବୋଲି ଜେଡିୟୁ ଏମଏଲସି ନୀରଜ କୁମାର କହିଛନ୍ତି । ସେଣ୍ଟ୍ରାଲ ଭିଷ୍ଟା ପ୍ରକଳ୍ପର ଫଟୋ ସହ କଫିନ ଫଟୋ ଅଫିସିଆଲ ଟୁଇଟର ପେଜରେ ପୋଷ୍ଟ କରି ବିଜେପିକୁ ଟାର୍ଗେଟ କରିଛି ଆରଜେଡି ।

ବିରୋଧୀଙ୍କ ବିନା ପାର୍ଲାମେଣ୍ଟ ଭବନ ଉଦଘାଟନୀ ଅଧୁରା ବୋଲି କହିଛି ଏନସିପି । ଦେଶର ସମ୍ବିଧାନ, ଲୋକତନ୍ତ୍ରକୁ ସମ୍ମାନ କରୁନି ବିଜେପି । ନୂଆ ସଂସଦ ଭବନ ଉଦଘାଟନୀରେ ବିରୋଧୀଙ୍କୁ ସାମିଲ କରାନଯିବା ଓ ରାଷ୍ଟ୍ରପତିଙ୍କୁ ନିମନ୍ତ୍ରଣ କରାନଯିବାକୁ ନେଇ କେନ୍ଦ୍ର ଉପରେ ବର୍ଷିଛନ୍ତି ଏନସିପି ନେତ୍ରୀ ସୁପ୍ରିୟା ସୁଲେ ।