ଫିଲ୍ମ ’ଦ କେରଳ ଷ୍ଟୋରୀ’ ଉପରେ ପ୍ରତିବନ୍ଧକ ଲଗାଇବାକୁ ଦାବି

ନୂଆଦିଲ୍ଲୀ: ଚଳିତ ମାସରେ ରିଲିଜ୍‌ ହୋଇଛି ଫିଲ୍ମ ‘ଦ କେରଳ ଷ୍ଟୋରୀ’ର ଟିଜର । କିନ୍ତୁ ଟିଜର ରିଲିଜ୍‌ ହେବାପରେ ଏହାକୁ ନେଇ ବିବାଦ ଦେଖିବାକୁ ମିଳିଛି । ବିଭିନ୍ନ ମହଲରୁ ଫିଲ୍ମ ଉପରେ ପ୍ରତିବନ୍ଧକ ଲଗାଇବାକୁ ଦାବି ହେଉଛି । ବିଶେଷକରି କଂଗ୍ରେସ ଏହାକୁ ବ୍ୟାନ୍‌ କରିବାକୁ ଦାବି କରୁଛି । ୩୨ ହଜାର ମହିଳା ବାଧ୍ୟତାମୂଳକ ଭାବରେ ଧର୍ମ ପରିବର୍ତ୍ତନ କରିଛନ୍ତି ଏବଂ ସେଥି ମଧ୍ୟରୁ କିଛି ମହିଳାଙ୍କୁ ସିରିୟା ଏବଂ ଆଫଗାନିସ୍ତାନର ଇସଲାମିକ୍‌ ଷ୍ଟେଟକୁ ନିଆଯାଇଛି ବୋଲି ଟିଜରରେ ଦର୍ଶାଯାଇଛି ।

ତେବେ ଆତଙ୍କବାଦୀଙ୍କ ପାଇଁ ଏହି ସ୍ଥାନ ଏକ ସୁରକ୍ଷିତ ସ୍ଥାନ ବୋଲି ଚିତ୍ରଣ ହୋଇଥିବାରୁ ଫିଲ୍ମ କ୍ରିଉ ସଦସ୍ୟଙ୍କ ବିରୋଧରେ ଏକ ମାମଲା ରୁଜୁ କରିବାକୁ କେରଳ ଡିଜିପି ଥିରୁବନନ୍ଥପୂରମର କମିଶନରଙ୍କୁ କହିଛନ୍ତି । ତେବେ ଟିଜରକୁ ଦେଖିବା ପରେ କଂଗ୍ରେସ ନେତା ତଥା ବିରୋଧୀ ଦଳ ନେତା ଭି.ଡି. ସତୀଶାନ୍‌ କହିଛନ୍ତିଯେ, ସିନେମା ମାଧ୍ୟମରେ ଭୁଲ୍‌ ତଥ୍ୟ ଉପସ୍ଥାପନା କରାଯାଇଛି, ତେଣୁ ଏହା ଉପରେ ପ୍ରତିବନ୍ଧକ ଲଗାଇବା ଉଚିତ୍‌ । ଏହି ଭୁଲ୍‌ ତଥ୍ୟ ଅନ୍ୟ ରାଜ୍ୟଗୁଡ଼ିକ ସମ୍ମୁଖରେ କେରଳର ଛବିକୁ ବିଗାଡ଼ିବ ।  ଏହା ସହିତ ସେ କହିଛନ୍ତିଯେ, ଉକ୍ତ ଫିଲ୍ମ ଘୃଣାଭାବ ସୃଷ୍ଟି କରୁଛି ।  ଏଭଳି କୌଣସି ତଥ୍ୟ ରାଜ୍ୟ ପୋଲିସ୍‌ ନିକଟରେ ନଥିବା ସେ କହିଛନ୍ତି ।

https://www.youtube.com/watch?v=udoCRDjqxv8

ସୂଚନାଯୋଗ୍ୟ, ଟିଜରରେ ଆଦା ଶର୍ମାଙ୍କୁ ଦେଖିବାକୁ ମିଳିଛି ।  ଯେଉଁଥିରେ ଜଣେ ମହିଳା ନର୍ସ ହେବାକୁ ସ୍ୱପ୍ନ ଦେଖିଛି କିନ୍ତୁ ତା’ର ସ୍ୱପ୍ନ , ଆଶା, ଆକାଂକ୍ଷା ସବୁ ଭାଙ୍ଗିରୁଜି ଚୁରମାର ହୋଇଯାଇଛି । ମହିଳାଙ୍କୁ ଘରୁ ଅପହରଣ କରି ନିଆଯାଇଛି ଏବଂ ଆଫଗାନିସ୍ତାନର ଏକ ଜେଲରେ ଆତଙ୍କବାଦୀ ଭାବରେ ବନ୍ଦୀ କରାଯାଇଛି ।