ଓସ୍କାର ୨୦୨୩ରେ ଦ କାଶ୍ମୀର ଫାଇଲ୍ସର ଏଣ୍ଟ୍ରି, ବେଷ୍ଟ ଆକ୍ଟର ଶ୍ରେଣୀରେ ଅନୁପମ ସର୍ଟଲିଷ୍ଟ୍

ନୂଆଦିଲ୍ଲୀ : ଫିଲ୍ମ ଦ କାଶ୍ମୀର ଫାଇଲ୍ସକୁ ନେଇ ସାମ୍ନାକୁ ଆସିଲା ବଡ଼ ଖବର । ଅନୁପମ ଖେରଙ୍କ ଦ୍ବାରା ଅଭିନୀତ ଫିଲ୍ମ ଦ କାଶ୍ମୀର ଫାଇଲ୍ସ ଏବେ ଓସ୍କାର ଦୌଡରେ ସାମିଲ ହୋଇଛି । ଓସ୍କାର-୨୦୨୩ରେ ଭାରତରୁ ସର୍ଟଲିଷ୍ଟ ହୋଇଥିବା ୫ଟି ଫିଲ୍ମ ମଧ୍ୟରେ ଦ କାଶ୍ମୀର ଫାଇଲ୍ସ ସାମିଲ ହୋଇଛି ବୋଲି ଏହାର ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ ସୋସିଆଲ ମିଡିଆରେ ଗୁଡ୍ ନ୍ୟୁଜ୍ ବୋଲି କହି ଏହା ସେୟାର କରିଛନ୍ତି ।

ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ ଦ କାଶ୍ମୀର ଫାଇଲ୍ସ ସହ ଜଡିତ ସମସ୍ତ ଲୋକଙ୍କୁ ଧନ୍ୟବାଦ ଜଣାଇଛନ୍ତି । ବେଷ୍ଟ ଆକ୍ଟର ଶ୍ରେଣୀରେ ଅନୁପମ ଖେରଙ୍କୁ ସର୍ଟଲିଷ୍ଟ କରାଯାଇଛି ।  କେବଳ ଏତିକି ନୁହେଁ ଦ କାଶ୍ମୀର ଫାଇଲ୍ସରେ ଅଭିନୟ କରିଥିବା ପଲ୍ଲବୀ ଯୋଶୀ, ମିଥୁନ ଚକ୍ରବର୍ତ୍ତୀ, ଦର୍ଶନ କୁମାରଙ୍କୁ ମଧ୍ୟ ଶ୍ରେଷ୍ଠ ଅଭିନେତା ବର୍ଗରେ ସର୍ଟଲିଷ୍ଟ କରାଯାଇଛି । ଏହା ତ ଆରମ୍ଭ ମାତ୍ର,ଏବେ ତ ଆହୁରି ଆଗକୁ ଯିବାର ଅଛି ବୋଲି ବିବେକ ଅଗ୍ନିହୋତ୍ରୀ କହିଛନ୍ତି।

BIG ANNOUNCEMENT: #TheKashmirFiles has been shortlisted for #Oscars2023 in the first list of @TheAcademy. It’s one of the 5 films from India. I wish all of them very best. A great year for Indian cinema. ???

— Vivek Ranjan Agnihotri (@vivekagnihotri) January 10, 2023