ଜଗ୍ ସାହାଯ୍ୟରେ ଉପରକୁ ଉଠୁଛି ଜଗନ୍ନାଥ ମନ୍ଦିର, ମନ୍ଦିରକୁ ୭ଫୁଟ ଉଚ୍ଚା କରୁଛନ୍ତି ହରିୟାଣା କାରିଗର
ଗଞ୍ଜାମ: ଜଗରେ ଉପରକୁ ଉଠୁଛି ଜଗନ୍ନାଥ ମନ୍ଦିର । ୬ରୁ ୭ ଫୁଟ ଉପରକୁ ଉଠାଉଛନ୍ତି ହରିୟାଣା କାରିଗର । ପୁରାତନ କୀର୍ତ୍ତିରାଜିକୁ ସୁରକ୍ଷିତ ରଖିବା ପାଇଁ ଗ୍ରାମବାସୀଙ୍କ ପଦକ୍ଷେପ । ଗଞ୍ଜାମ ଜିଲ୍ଲା ରମ୍ଭା ବିଜ୍ଞାପିତ ଅଂଚଳର ସର୍ବପୁରାତନ ଜଗନ୍ନାଥ ମନ୍ଦିରରୁ ଉପରକୁ ଉଠାଯାଉଛି । ମନ୍ଦିରକୁ ଅଢେଇ ଶହ ବର୍ଷ ତଳେ ବିରୁଳି ଗଡ଼ର ରାଜା ନିର୍ମାଣ କରିଥିଲେ । କିନ୍ତୁ ଧିରେ ଧିରେ ଜନବସତି ବଢ଼ିବା ସହ ବାରମ୍ବାର ରାସ୍ତା ନିର୍ମାଣ ଯୋଗୁ ମନ୍ଦିର ପୋତି ହୋଇ ଯାଇଥିଲା । ଫଳରେ ପୁରାତନ କଳା ଓ ସଂସ୍କୃତିକୁ ବହନ କରୁଥିବା ଏହି ମନ୍ଦିରକୁ ସୁରକ୍ଷିତ ରଖିବା ପାଇଁ ଗ୍ରାମବସୀ ଉପରକୁ ଉଠାଇବାକୁ ନିଷ୍ପତ୍ତି ନେଇଥିଲେ । ଏନେଇ ହରିୟାଣାର ଟିଡିବିଡି ହାଉସ ଲିପ୍ଟିଙ୍ଗ କମ୍ପାନୀ ସହିତ ଯୋଗାଯୋଗ କରି ମନ୍ଦିର ଉଠାକାର୍ଯ୍ୟ ଆରମ୍ଭ କରିଥିଲେ ।
୩ ରୁ ୫ ମାସ ଭିତରେ କାମ ସାରିବା ପାଇଁ ଲକ୍ଷ୍ୟ ରଖିଛନ୍ତି ହରିୟାଣା କାରିଗର । କାମ ପାଇଁ ୪୦୦ ଜଗ୍ ଓ ୮ ଜଣ କର୍ମଚାରୀ ନିୟୋଜିତ ଅଛନ୍ତି । ମନ୍ଦିର ଉଠା ପାଇଁ ବର୍ଗଫୁଟକୁ ୨୫୦ ଟଙ୍କା ନେଉଛି କମ୍ପାନୀ । ଓଡ଼ିଶା ଓ ଓଡିଶା ବାହରେ ଏଭଳି ଅନେକ କାମ ସୂଚାରୂ ରୂପେ ସମ୍ପାଦନ କରିଛି କମ୍ପାନୀ । ଅଞ୍ଚଳରେ ଏଭଳି କାର୍ଯ୍ୟ ପ୍ରଥମଥର ହେଉଥିବାରୁ ଏହାକୁ ଦେଖିବାକୁ ଲୋକଙ୍କ ଗହଳି ଜମୁଛି ।
