ଭୁବନେଶ୍ୱର: ଭୁବନେଶ୍ୱର ଘରୋଇ ସ୍କୁଲରେ ମାର୍କ ହେରଫେର ପ୍ରସଙ୍ଗ। ଅଭିଭାବକଙ୍କ ଅଭିଯୋଗ ପାଇବା ପରେ ଏନେଇ ସିବିଏସଇ ପରୀକ୍ଷା ନିୟନ୍ତ୍ରକଙ୍କୁ ଜଣାଇଛନ୍ତି ଭୁବନେଶ୍ୱର ଜୋନ୍ ଆଞ୍ଚଳିକ ଅଧିକାରୀ। ଅଭିଭାବକଙ୍କ ଅଭିଯୋଗ ସେ ଦିଲ୍ଲୀ ପଠାଇବେ। ସେମାନେ ନିଷ୍ପତ୍ତି ନେବେ। ସ୍କୁଲକୁ ଛାତ୍ରଛାତ୍ରୀଙ୍କ ଅସଲ ପରୀକ୍ଷା ଫଳ ଦାଖଲ କରିବାକୁ କୁହାଯିବ। ସ୍କୁଲ ସ୍ୱାଧୀନ ଭାବେ ଏହି ସବୁ କାମ କରୁଛି। ସିବିଏସଇ ଅଫିସ ପାଖରେ ଏସମ୍ପର୍କରେ କିଛି ସୂଚନା ନଥିବା ଭୁବନେଶ୍ୱର ଜୋନ୍ ଆଞ୍ଚଳିକ ଅଧିକାରୀ କହିଛନ୍ତି। ଅଭିଭାବକ ଓ ସ୍କୁଲ କର୍ତ୍ତୃପକ୍ଷଙ୍କ ମଧ୍ୟରେ କଥାବାର୍ତ୍ତାର ଏକ ଅଡିଓ ଭାଇରାଲ ହୋଇଥିଲା। ସଂପୃକ୍ତ ସ୍କୁଲରେ ଏକାଦଶରେ ନାମ ନ ଲେଖାଇବାରୁ ପିଲାଙ୍କୁ କମ୍ ମାର୍କ ଦେଇଥିବା ଅଭିଭାବକ ଅଭିଯୋଗ କରିଛନ୍ତି। ଘରୋଇ ସ୍କୁଲର ମାଲିକ ବଦ୍ରି ପଟ୍ଟନାୟକଙ୍କ ନାଁରେ ଅଭିଯୋଗ ଆଣି ସିବିଏସ୍ଇ କର୍ତ୍ତୃପକ୍ଷଙ୍କ ପାଖରେ ଫେରାଦ୍ ହୋଇଥିଲେ ଶହେରୁ ଅଧିକ ଅଭିଭାବକ। ଏହାପରେ ଏନେଇ ସିବିଏସଇ ପରୀକ୍ଷା ନିୟନ୍ତ୍ରକଙ୍କୁ ଜଣାଇଛନ୍ତି ଭୁବନେଶ୍ୱର ଜୋନ୍ ଆଞ୍ଚଳିକ ଅଧିକାରୀ। ସେପଟେ ଆଜି ସ୍କୁଲ ଆଗରେ ଅଭିଭାବକଙ୍କ ଆନ୍ଦୋଳନ ଚାଲିଛି।
ସେପଟେ ଯେକୌଣସି ତଦନ୍ତ ପାଇଁ ପ୍ରସ୍ତୁତ। CBSE ମାଗିଲେ ସବୁ ତଥ୍ୟ ଦେବେ। କାଲି ଯେଉଁ ୩୬ ଜଣଙ୍କ ସମସ୍ୟା ଥିଲା, CBSEକୁ ଜଣାଯାଇଛି। କମ୍ପ୍ୟୁଟରରେ ଭୁଲ ହୋଇଥାଇପାରେ। ସଂଶୋଧନ ପାଇଁ ଆସିଲେ, ନିଶ୍ଚୟ କରିବୁ। ଆମେ ସତ ପ୍ରତିଶତ ଠିକ ବୋଲି କହୁନୁ। ସବୁ କଥା CBSE ପରୀକ୍ଷା ନିୟନ୍ତ୍ରକଙ୍କୁ ଜଣାଇଛୁ। ଅସଲ ମାର୍କ ସିଟ ଆସିବାକୁ ୧୫ ଦିନ ଲାଗିବ। ଅନ୍ୟ ଘରୋଇ ଶିକ୍ଷାନୁଷ୍ଠାନ ଅଭିଭାବକଙ୍କୁ ମତେଇ ପ୍ରତିବାଦ କରୁଛନ୍ତି ବୋଲି ସେଣ୍ଟ ଜାଭିଆରସ ଇଣ୍ଟରନେନ୍ୟାସନାଲ ସ୍କୁଲର ଅଧ୍ୟକ୍ଷ କହିଛନ୍ତି। ସେ ନିଜେ ଘରୋଇ ସ୍କୁଲ ସଂଘ ସଭାପତି। ହାଇକୋର୍ଟଙ୍କ ନିଷ୍ପତ୍ତି ଅନୁସାରେ ଦରମା ହ୍ରାସ ନେଇ ରାଜ୍ୟ ସରକାର, ଘରୋଇ ସ୍କୁଲ ଓ ଅଭିଭାବକଙ୍କ ମଧ୍ୟରେ MOU କରେଇଥିଲେ। ସେଥିପାଇଁ ଅନ୍ୟ ଶିକ୍ଷାନୁଷ୍ଠାନ ଏପରି କରୁଛନ୍ତି। ବିନା ପରୀକ୍ଷା ପାସ ହୋଇଛନ୍ତି। ମାର୍କ ନବମ, ଦଶମଏ ହାପ ୟରଲି, ପିରିଅଡିକ ଟେଷ୍ଟ ଓ ପ୍ରି ବୋର୍ଡ ଆଧାରରେ ଦିଆଯାଇଛି। ଯେଉଁମାନେ ପ୍ରିବୋର୍ଡ ଦେଇ ନଥିଲେ, ସେମାନଙ୍କ ପାଇଁ ଅନଲାଇନ ପରୀକ୍ଷା ହୋଇଥିଲା। CBSE ସବୁ ସ୍କୁଲ ପାଇଁ ରେଫରେନ୍ସ ୟର ଦେଇଛି। ଅନ୍ୟ ସ୍କୁଲ ଛାତ୍ରଛାତ୍ରୀ ୪୨ରୁ ୪୩ ପ୍ରତିଶତ ମାର୍କ ରଖିଥିବା ବେଳେ ତାଙ୍କ ସ୍କୁଲରେ କେହି ବି ୫୫ ପ୍ରତିଶତ ତଳକୁ ରଖି ନାହାନ୍ତି। ସର୍ବାଧିକ ୯୮ ପ୍ରତିଶତ ମାର୍କ ଅଛି। ସ୍କୁଲ ପରିଚାଳନା କେବେ ଛାତ୍ରଙ୍କ ଖରାପ ଫଳାଫଳ କରିବାକୁ ଚାହିଁବ ନାହିଁ ବୋଲି ବଦ୍ରି ପଟ୍ଟନାୟକ କହିଛନ୍ତି।
