ମୁଁ ପଢିବାକୁ ଚାହେଁ କହି କାନ୍ଦିଲେ ଯୁବତୀ, ମୁଖ୍ୟମନ୍ତ୍ରୀ ଦେଲେ ଆଶ୍ୱାସନା

1 min read
Bihar CM Nitish Kumar On Favour Of Caste Based Census

ପାଟନା: ପାଞ୍ଚ ବର୍ଷ ପରେ ବିହାର ମୁଖିଆ ନୀତୀଶ କୁମାର ସୋମବାର ଦିନ ପୁଣି ଥରେ ଜନତା ଦରବାର କାର୍ଯ୍ୟକ୍ରମ ଆରମ୍ଭ କରିଛନ୍ତି। କରୋନା କାଳରେ ଆୟୋଜିତ ଜନତା ଦରବାରରେ ଶତାଧିକ ଲୋକ ମୁଖ୍ୟମନ୍ତ୍ରୀଙ୍କ ସହ ସେମାନଙ୍କର ଗୁହାରୀ ଜଣାଇଥିଲେ । ଖାଲି ଏତିକି ନୁହେଁ ଲାେକଙ୍କ ସମସ୍ୟା ଶୁଣି ମୁଖ୍ୟମନ୍ତ୍ରୀ ମଧ୍ୟ ସମାଧାନ ପାଇଁ ନିର୍ଦ୍ଦେଶ ଦେଇଥିଲେ । ଏହି ସମୟରେ ଜଣେ ଝିଅ ପଢିବାକୁ ଚାହେଁ ବୋଲି କହି ଭୋ ଭୋ ହୋଇ କାନ୍ଦି ପକାଇଥିଲେ । ଯାହା ଚର୍ଚ୍ଚାର ବିଷୟ ପାଲଟିଛି ।

ସୂଚନା ଅନୁଯାୟୀ, ଗୟାରୁ ଆସିଥିବା ଝିଅଟି ନିକଟରେ ଗୟା ବୁଦ୍ଧ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିରେ ପଲିଟେକ୍ନିକରେ ନାମ ଲେଖାଇଛନ୍ତି। ଘରର ଆର୍ଥିକ ସ୍ଥିତି ଭଲ ନଥିବାରୁ ସେ ଛାତ୍ର କ୍ରେଡିଟ କାର୍ଡ ପାଇଁ ଆବେଦନ କରିଥିଲେ। ହେଲେ ମିଳିପାରିନଥିଲା । ମୁଖ୍ୟମନ୍ତ୍ରୀ ଏବିଷୟରେ ପଚରାଉଚରା କରି ଜାଣିବାକୁ ପାଇଥିଲେ ଯେ ସେ ପାଠପଢା ଅଧାରୁ ବ୍ରେକ୍ ନେଇଥିବା ସହ ବେରୋଜଗାରୀମାନଙ୍କୁ ରାଜ୍ୟ ସରକାରଙ୍କ ପକ୍ଷରୁ ମିଳିଥିବା ଭତ୍ତାର ମଧ୍ୟ ଲାଭ ଉଠାଇଥିଲେ ।

ଏଭଳି ପରିସ୍ଥିତିରେ ମୁଖ୍ୟମନ୍ତ୍ରୀ ଝିଅକୁ ଏ ବାବଦରେ ପ୍ରଶ୍ନ କରିଥିଲେ ।  ଯାହା ପରେ ସେ କହିଥିଲେ ଯେ ବେରୋଜଗାର ଭତ୍ତା ନେବା ପରେ ସେ ପୁଣି ପାଠପଢା ପାଇଁ ସରକାରୀ ଯୋଜନାର ଲାଭ ଉଠାଇପାରିବେ ନାହିଁ ବୋଲି ଜାଣିନଥିଲେ । ସେ କେବଳ ଦୁଇମାସ ପାଇଁ ବେକାରୀ ଭତ୍ତା ନେଇଥିବା କହି କାନ୍ଦିବାକୁ ଲାଗିଥିଲେ। ଯାହା ପରେ ମୁଖ୍ୟମନ୍ତ୍ରୀ ନୀତୀଶ କୁମାର ଶିକ୍ଷା ବିଭାଗର ଅଧିକାରୀଙ୍କୁ ଡାକି ଏହି ଯୋଜନାରେ ଝିଅକୁ ସାମିଲ କରାଇବାକୁ ନିର୍ଦ୍ଦେଶ ଦେଇଥିଲେ।

Opn Commnet Area

Leave a Reply

Your email address will not be published. Required fields are marked *

Close Bitnami banner