ହୀରାକୁଦରେ ବଢ଼ୁଛି ଜଳସ୍ତର, ଖୋଲିବ ୧୦ ଗେଟ୍
ସମ୍ବଲପୁର: ଛତିଶଗଡ଼ରେ ଜାରି ରହିଛି ଲଗାଣ ବର୍ଷା । ଲଗାଣ ବର୍ଷା ଫଳରେ ହୀରାକୁଦ ଜଳ ଭଣ୍ଡାରରେ ବଢ଼ୁଛି ଜଳସ୍ତର । ଜଳଭଣ୍ଡାରକୁ ପ୍ରତି ସେକେଣ୍ଡରେ ୨ ଲକ୍ଷ ୯୬ ହଜାର ଘନଫୁଟ ବନ୍ୟାଜଳ ପ୍ରବେଶ କରୁଛି । ହୀରାକୁଦରେ ବଢ଼ୁଥିବା ଜଳସ୍ତରକୁ ଦୃଷ୍ଟିରେ ରଖି ଆଜି ଦିନ ସାଢ଼େ ୧୧ଟାରେ ପର୍ଯ୍ୟାୟ କ୍ରମେ ୧୦ଟି ସ୍ଲୁଇସ ଗେଟ ଖୋଲାଯିବ ବୋଲି ସୂଚନା ଦେଇଛନ୍ତି ହୀରାକୁଦ ବନ୍ଧ ମୁଖ୍ୟଯନ୍ତ୍ରୀ । ବର୍ତ୍ତମାନ ୬୧୨ ଫୁଟରେ ଜଳସ୍ତର ଥିବା ବେଳେ, ୬୩୦ ଫୁଟ ରହିଛି ସର୍ବାଧିକ ଜଳଧାରଣ କ୍ଷମତା ରହିଛି । ତେଣୁ ଆବଶ୍ୟକ ହେଲେ ଅଧିକ ଗେଟ ଖୋଲାଯିବାର ସମ୍ଭାବନା ରହିଛି ବୋଲି ସେ କହିଛନ୍ତି ।
