ରାଜ୍ୟସଭା ନିର୍ବାଚନ ପାଇଁ ରିଟର୍ଣ୍ଣିଂ ଅଫିସର ନିଯୁକ୍ତି କଲେ ନିର୍ବାଚନ କମିଶନ

1 min read

ଭୁବନେଶ୍ୱର: ରାଜ୍ୟସଭା ନିର୍ବାଚନ ପାଇଁ ତ୍ବରାନ୍ବିତ ହେଲା ପ୍ରକ୍ରିୟା । ରାଜ୍ୟସଭା ନିର୍ବାଚନ ପାଇଁ ରିଟର୍ଣ୍ଣିଂ ଅଫିସରଙ୍କୁ ନିଯୁକ୍ତି ଦେଲେ ନିର୍ବାଚନ କମିଶନ । ବିଷ୍ଣୁ ପ୍ରସାଦ ମିଶ୍ରଙ୍କୁ ରିଟର୍ଣ୍ଣିଂ ଅଫିସର ଓ ଗଙ୍ଗାଧର ମଲ୍ଲିକଙ୍କୁ ଆସିଷ୍ଟାଣ୍ଟ ରିଟର୍ଣ୍ଣିଂ ଅଫିସର ଭାବେ ନିଯୁକ୍ତି ଦେଇଛନ୍ତି ନିର୍ବାଚନ କମିଶନ । ଜୁଲାଇ ସୁଦ୍ଧା ଶେଷ ହେବ ରାଜ୍ୟସଭା ନିର୍ବାଚନ । ସାଂସଦ ଏନ ଭାସ୍କର ରାଓ, ପ୍ରସନ୍ନ ଆଚାର୍ଯ୍ୟ ଓ ସସ୍ମିତ ପାତ୍ରଙ୍କର କାର୍ଯ୍ୟକାଳ ଶେଷ ହେଉଛି । ଭାସ୍କର ରାଓ ଓ ପ୍ରସନ୍ନ ଆଚାର୍ଯ୍ୟ ୩ ଜୁନ୍ ୨୦୧୬ରେ ରାଜ୍ୟସଭାକୁ ନିର୍ବାଚିତ ହୋଇଥିଲେ । ସେମାନଙ୍କ କାର୍ଯ୍ୟକାଳ ୨ ଜୁନ୍ ୨୦୨୨ରେ ଶେଷ ହେବ । ସେହିପରି ସସ୍ମିତ ପାତ୍ର ୨୮ ଜୁନ୍ ୨୦୧୯ରେ ରାଜ୍ୟସଭା ଯାଇଥିଲେ । ପ୍ରଥମେ ଏହି ଆସନରେ ବିଷ୍ଣୁ ଚରଣ ଦାସ ୩ ଜୁନ୍ ୨୦୧୬ରେ ନିର୍ବାଚିତ ହୋଇଥିଲେ । ଏହାପରେ ୧୮ ମେ ୨୦୧୭ରେ ତାଙ୍କ ସ୍ଥାନରେ ଯାଇଥିଲେ ପ୍ରତାପ କେଶରୀ ଦେବ । ତାଙ୍କ ପରେ ୨୮ ଜୁନ ୨୦୧୯ରେ ସସ୍ମିତ ପାତ୍ର ସେହି ଆସନକୁ ପୁନଃ ନିର୍ବାଚିତ ହୋଇଥିଲେ ।

[DISPLAY_ULTIMATE_SOCIAL_ICONS]