ସାନ ଭାଇର ଟାଙ୍ଗିଆ ଚୋଟରେ ମଝିଆ ଭାଇର ମୃତ୍ୟୁ

ଅନୁଗୁଳ: ହିନ୍ଦୋଳରେ ବୀଭତ୍ସ ହତ୍ୟା । ସାନ ଭାଇର ଟାଙ୍ଗିଆ ଚୋଟରେ ମଝିଆ ଭାଇର ମୃତ୍ୟୁ। ଗତକାଲି ରାତି ପ୍ରାୟ ୧୦ଟା ବେଳେ ଏନଏସିର ୨ ନମ୍ବର ୱାର୍ଡର ମୁଣ୍ଡହତାରେ ଘଟିଛି ଏଭଳି ହୃଦୟଥରା ଘଟଣା ।

ସୂଚନା ମୁତାବକ ଗତକାଲି ଦୁଇ ଭାଇଙ୍କ ମଧ୍ୟରେ ପାରିବାରିକ କଳହକୁ କେନ୍ଦ୍ର କରି ଖାଇବା ସମୟରେ ବଚସା ହୋଇଥିଲା । ଏଥିରେ ସାନ ଭାଇ ଉତକ୍ଷିପ୍ତ ହୋଇ ମଝିଆ ଭାଇକୁ ଟାଙ୍ଗିଆରେ ହାଣି ପକାଇଥିଲା । ଗୁରୁତର ଭାବେ ମଝିଆ ଭାଇ ଗୋବିନ୍ଦ ନାଏକଙ୍କୁ ପ୍ରଥମେ ହିନ୍ଦୋଳ ମେଡିକାଲରେ ଭର୍ତି କରାଯାଇଥିଲା। ପରେ ଗୁରୁତର ଭାବେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । ଆଜି ତାଙ୍କର ମୃତ୍ୟୁ ଘଟିଛି । ଏହି ଘଟଣାରେ ହିନ୍ଦୋଳ ପୋଲିସ ସାନ ଭାଇ ସାନନ୍ଦ ନାଏକଙ୍କୁ ଗିରଫ କରି ତଦନ୍ତ ଆରମ୍ଭ କରିଛି ।