ଅଧାରାସ୍ତାରେ ଚାଲିଗଲା ଡ୍ରାଇଭରର ଜୀବନ ; ଅଳ୍ପକେ ବର୍ତ୍ତିଲେ ୭୦ ପର୍ଯ୍ୟଟକ

ନୀଳଗିରି : ନୀଳଗିରିରେ ଟଳିଲା ବଡ଼ ଧରଣର ଦୁର୍ଘଟଣା। ପଶ୍ଚିମବଙ୍ଗରୁ ପଞ୍ଚଲିଙ୍ଗେଶ୍ବର ବୁଲିବାକୁ ଆସି ହୃଦଘାତରେ ଅଧାରାସ୍ତାରେ ଚାଲିଗଲା ଡ୍ରାଇଭରର ଜୀବନ। ହେଲେ ମୃତ୍ୟୁ ପୂର୍ବରୁ ଡ୍ରାଇଭରଙ୍କ ଉପସ୍ଥିତ ବୁଦ୍ଧି ଯୋଗୁ ଅଳ୍ପକେ ବର୍ତ୍ତିଲେ ୭୦ ପର୍ଯ୍ୟଟକ । ସ୍ଥାନୀୟ ଲୋକଙ୍କ ସହାୟତାରେ ପଞ୍ଚଲିଙ୍ଗେଶ୍ବର ପାର୍କିଂରେ ରଖିଲେ ଗାଡ଼ି । ହାୱଡାରୁ ପଞ୍ଚଲିଙ୍ଗେଶ୍ବର ଓ ପରେ ପୁରୀରେ ୫ ଦିନ ବୁଲିବାର ଥିଲା କାର୍ଯ୍ୟକ୍ରମ। ମୃତ ଡ୍ରାଇଭର ହେଲେ ସେକ ଅଖତର।

ସୂଚନା ଅନୁସାରେ, ହାୱଡାରୁ ପର୍ଯ୍ୟଟକ ବୁଲିବାକୁ ଆସିଥିଲେ। ନୀଳଗିରି ଉପଖଣ୍ଡ ପାଟପୁର ଛକ ନିକଟରେ ଡ୍ରାଇଭରଙ୍କ ହୃଦ୍ ଘାତ ହୋଇଥିଲା। ସଙ୍ଗେ ସଙ୍ଗେ ସ୍ଥାନୀୟ ଲୋକେ ଡ୍ରାଇଭରଙ୍କୁ ନୀଳଗିରି ମେଡିକାଲରେ ଭର୍ତ୍ତି କରିଥିଲେ। ହେଲେ ସେଠାରେ ତାଙ୍କର ମୃତ୍ୟୁ ହୋଇଥିଲା। କିନ୍ତୁ ମୃତ୍ୟୁ ଡ୍ରାଇଭର ଗାଡ଼ିକୁ ରାସ୍ତାରେ ପାର୍ଶ୍ଵରେ ରଖି ଦେବାରୁ ୭୦ ଜଣ ପର୍ଯ୍ୟଟକଙ୍କ ଜୀବନ ବଞ୍ଚି ଯାଇଥିଲା।