ଖେଳୁ ଖେଳୁ ଫାଟିଗଲା ଡିଟୋନେଟର, ଅଳ୍ପକେ ବର୍ତ୍ତିଲେ ୩ ଶିଶୁ

ଗଞ୍ଜାମ: ହିଞ୍ଜିଳି  ଥାନା ସମପୁର ଗାଁରେ ଅଘଟଣ । ଡିଟୋନେଟର ଫୁଟିବାରୁ ୩ ଛାତ୍ର ଗୁରୁତର ହୋଇଛନ୍ତି । ସମସ୍ତ ଆହତଙ୍କୁ ପ୍ରଥମେ ହିଞ୍ଜିଳି ଓ ପରେ ଏମକେସିଜିକୁ ସ୍ଥାନାନ୍ତର କରାଯାଇଛି । ତେବେ ବିସ୍ଫୋରଣ ପଛର କାରଣ ସ୍ପଷ୍ଟ ହୋଇପାରିନି । ସେପଟେ ହିଞ୍ଜିଳି ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ପୋଲିସ ।

ସୂଚନା ଅନୁଯାୟୀ, ଆଜି ସକାଳୁ ୩ ଜଣ ନାବାଳକ ଖେଳିବା ପାଇଁ ବାହାରକୁ ଯାଇଥିଲେ । ପରିତ୍ୟକ୍ତ ସ୍ଥାନରୁ ଏକ ଡିଟୋନେଟର ପାଇ ସେଥିଲେ ଖେଳୁଥିଲେ । କୌଣସି କାରଣରୁ ସେହି ଡିଟୋନେଟରଟି ଫାଟିଯାଇଥିଲା । ଯାହାଫଳରେ ୩ ଜଣ ନାବାଳକୁ ଗୁରୁତର ଆହତ ହୋଇଥିଲେ । ନାବାଳକ ମାନଙ୍କର ବୟଷ ୧୦ ରୁ ୧୨ ମଧ୍ୟରେ ହେବ । ପରିବାର ଲୋକେ ସେମାନଙ୍କୁ ଉଦ୍ଧାର କରି ପ୍ରଥମେ ନିକଟସ୍ଥ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ପ୍ରାଥମିକ ଚିକିତ୍ସା ପରେ ସମସ୍ତ ୩ ନାବାଳକଙ୍କୁ ବ୍ରହ୍ମପୁର ସ୍ଥାନାନ୍ତର କରାଯାଇଛି।