କଟକ: ଅଧ୍ୟାପିକାଙ୍କ ସନ୍ଦେହଜନକ ମୃତ୍ଯୁ। କଟକ ସେକ୍ଟର ୯ର ଏକ ଭଡା ଘରୁ ପୋଲିସ ମହିଳାଙ୍କ ମୃତଦେହ ଉଦ୍ଧାର କରିବା ସହିତ ବ୍ୟବଚ୍ଛେଦ ପାଇଁ ଏସସିବି ପଠାଇଛି। ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଅଧ୍ୟାପିକା ଅନନ୍ୟା ଚକ୍ରବର୍ତ୍ତୀ ନରାଜ ସ୍ଥିତ ଜାତୀୟ ଆଇନ ବିଶ୍ଵବିଦ୍ୟାଳୟରେ ସହକାରୀ ଅଧ୍ୟାପିକା ଭାବରେ କାର୍ଯ୍ୟ କରୁଥିଲେ। ସେ ଗତ ୧୦ବର୍ଷ ହେବ ଏନଏଲୟୁରେ କାର୍ଯ୍ୟରତ ଥିଲେ। ସେକ୍ଟର ୯ରେ ଏକ ଭଡା ଘର ନେଇ ଏକୁଟିଆ ରହୁଥିଲେ ଅନନ୍ୟା । ଗତକାଲି ରାତିରେ ସେ ବହୁ ସମୟ ଧରି ଫୋନ ନଉଠାଇବାକୁ ନେଇ ବିଦ୍ୟାର୍ଥୀଙ୍କ ସହକର୍ମୀଙ୍କ ମଧ୍ୟରେ ସନ୍ଦେହ ପ୍ରକାଶ ପାଇଥିଲା। ପଡୋଶୀ ମଧ୍ୟ ବାରମ୍ବାର ଡାକିବା ସତ୍ତ୍ବେ କବାଟ ଖୋଲିନଥିଲା। ଏନେଇ ପୋଲିସକୁ ଖବର ଦିଆଯିବା ପରେ ପୋଲିସ ଆସି ମୃତଦେହ ଜବତ କରିଥିଲା।
