ଇରାନ ଓ ଇଟାଲିରେ ଚାଇନାଠୁ ସାଙ୍ଘାତିକ ରୂପ ନେଲାଣି କରୋନା ଭାଇରସ
ସାରା ବିଶ୍ୱରେ ବଢୁଛି କରୋନାର କାୟା । କରୋନା ଭାଇରସରେ ଆକ୍ରାନ୍ତଙ୍କ ସଂଖ୍ୟା ୧ଲକ୍ଷ ଟପିଛି । ସ୍ୱାସ୍ଥ୍ୟ ମନ୍ତ୍ରଣାଳୟ ଏବଂ ସରକାରୀ କର୍ମଚାରୀଙ୍କ ରିପୋର୍ଟ ଅନୁଯାୟୀ କରୋନାଭାଇରସ୍ ଦ୍ୱାରା ୧ଲକ୍ଷ ୩ଶହ ରୁ ଅଧିକ ଲୋକ ସଂକ୍ରମିତ ହୋଇଛନ୍ତି ।
ବିଶ୍ୱର ୯୧ ଦେଶରେ କରୋନା ଆତଙ୍କ ଖେଳାଇଥିବା ବେଳେ, ୩୪ ଶହ ପାର ହେଲାଣି ମୃତକଙ୍କ ସଂଖ୍ୟା । ଚୀନ ପରେ ଇରାନ ଓ ଇଟାଲୀରେ ଦୃତଗତିରେ ବଢୁଛି ମୃତକଙ୍କ ସଂଖ୍ୟା । ଇଟାଲୀରେ ୧୦୦ ଟପିଲାଣି ମୃତକଙ୍କ ସଂଖ୍ୟା । ଚୀନ ଠାରୁ ଅନ୍ୟଦେଶରେ କରୋନାର ଭୟ ଅଧିକ ରହିଛି । ଚୀନରେ ଯେଉଁ ସଂଖ୍ୟାରେ ମୃତ୍ୟୁ ହେଉଥିଲା ତାଠୁ ଅଧିକ ମାତ୍ରାରେ ଅନ୍ୟ ଦେଶରେ ମୃତ୍ୟୁ ହେଉଛି ।
ସେପଟେ ଆମେରିକାର କାଲିଫର୍ଣ୍ଣିଆରେ କୋରନା ଭୟରେ ଆପାତକାଳୀନ ସ୍ଥିତି ଘୋଷଣା କରାଯାଇଛି । ଡବ୍ଲୁଏଚ୍ଓ ଏହାକୁ ବିଶ୍ୱ ସଂକଟ ଭାବେ ଘୋଷଣା କରିଥିବା ବେଳେ, ବିଶ୍ୱର ବିଭିନ୍ନ ରାଷ୍ଟ୍ରରେ ହେବାକୁ ଥିବା ଫେଷ୍ଟିଭାଲ, ସଭାସମିତି ବନ୍ଦ କରାଯାଇଛି ।
