କଥା ଦେଇ କଥା ରଖିଲେ 5T ସଚିବ ଭି.କେ ପାଣ୍ଡିଆନ, ୭ ଦିନରେ ହେଲା ଦାବି ପୂରଣ

ଟିଟିଲାଗଡ଼: କଥା ଦେଇ କଥା ରଖିଲେ 5T ସଚିବ ଭି.କେ ପାଣ୍ଡିଆନ । ୭ ଦିନରେ ପୂରଣ ହେଲା ପ୍ରତିଶ୍ରୁତି । ଟିଟିଲାଗଡ଼ର ସାହୁ ସମାଜ କମ୍ୟୁନିଟି ସେଣ୍ଟର ପାଇଁ ୧୫ଲକ୍ଷ ଟଙ୍କା ମଞ୍ଜୁର ହୋଇଛି । ଫଳରେ ସଇଁତଳା ସାହୁ ସମାଜ ତରଫରୁ ମୁଖ୍ୟମନ୍ତ୍ରୀ ଓ 5T ସଚିବ ଓ ପରିବହନ ମନ୍ତ୍ରୀ ଟୁକୁନି ସାହୁଙ୍କୁ ଧନ୍ୟବାଦ ଦିଆଯାଇଛି । ମନ୍ତ୍ରୀ ଟୁକୁନି ସାହୁଙ୍କୁ ଭେଟି ଧନ୍ୟବାଦ ଜଣାଇଛନ୍ତି ଲୋକ ।

ଗତ ୬ତାରିଖରେ ଟିଟିଲାଗଡ଼ ଗସ୍ତ କରି ଲୋକଙ୍କ ଦାବିପତ୍ର ଗ୍ରହଣ କରି ସପ୍ତାହକରେ ମୁଖ୍ୟମନ୍ତ୍ରୀ ଖୁସି ଖବର ଦେବେ ବୋଲି ପ୍ରତିସ୍ରୁତି ଦେଇଥିଲେ । କମ୍ୟୁନିଟି ସେଣ୍ଟର ନିର୍ମାଣ ହେଲେ ସ୍ଥାନୀୟ ଲୋକେ ବହୁତ ଉପକୃତ ହେବେ ବୋଲି ଲୋକେ କହିଥିଲେ । କେବଳ କମ୍ୟୁନିଟି ସେଣ୍ଟର ପାଇଁ ନୁହେଁ  ଚାଷୀଙ୍କ ବିକାଶ ପାଇଁ ମଧ୍ୟ ମୁଖ୍ୟମନ୍ତ୍ରୀଙ୍କ ନିର୍ଦେଶ ଅନୁସାରେ ଟିଟିଲାଗଡ ନିର୍ବାଚନ ମଣ୍ଡଳୀର ଅନେକ ସ୍ଥାନରେ ଚେକଡ୍ୟାମ ଓ ବ୍ୟରେଜ ନିର୍ମାଣ ହେବାକୁ ଯାଉଛି । ଏହାଦ୍ବାରା ଚାଷୀ ଉପକୃତ ହେବେ ଓ ଆଗାମୀ ଦିନରେ ବିକାଶ ହୋଇପାରିବ ବୋଲି କହିଛନ୍ତି ମନ୍ତ୍ରୀ ଟୁକୁନି ସାହୁ ।