ବଦଳୁଛି ସରକାରୀ ସ୍କୁଲର ରୂପରେଖ, ଆଜି ୪୯୦ଟି ହାଇସ୍କୁଲକୁ ଉତ୍ସର୍ଗ କରିବେ ମୁଖ୍ୟମନ୍ତ୍ରୀ

ଭୁବନେଶ୍ୱର: ବଦଳୁଛି ସରକାରୀ ସ୍କୁଲର ରୂପରେଖ । ଅତ୍ୟାଧୁନିକ କ୍ଲାସରୁମ ଓ ଲାଇବ୍ରେରୀ ସହ ସୁନ୍ଦର ପରିବେଷ ମନ ମୋହୁଛି । ଛାତ୍ରଛାତ୍ରୀଙ୍କୁ ସ୍କୁଲ ମୁହାଁ କରୁଛି ମଡେଲ ସ୍କୁଲ । ଅତ୍ୟାଧୁନିକ କ୍ଲାସରୁମରେ ପ୍ରୋଜେକ୍ଟର ବ୍ୟବସ୍ଥା ସହ ଛାତ୍ରଛାତ୍ରୀଙ୍କ ପାଇଁ ସ୍ମାର୍ଟ ବୋର୍ଡ । କ୍ଲାସରୁମରେ କରାଯାଇଛି ଉନ୍ନତମାନର ଡେସ୍କ ବ୍ୟବସ୍ଥା । ପିଲାଙ୍କ ସୁନ୍ଦର ଭବିଷ୍ୟତ ପାଇଁ ରୂପାନ୍ତରିତ ହେଉଛି ହାଇସ୍କୁଲ । ଦ୍ୱିତୀୟ ପର୍ଯ୍ୟାୟର ଆଜି ତୃତୀୟ ଦିନରେ ରାଜ୍ୟର ୫ ଜିଲ୍ଲାର ୪୯୦ଟି ରୂପାନ୍ତରିତ ହାଇସ୍କୁଲର ଲୋକାର୍ପଣ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ଆଜି ସନ୍ଧ୍ୟା ୫ଟା ୩୦ରେ ଲୋକସେବା ଭବନର କନଭେନସନ ହଲରେ ଭିଡିଓ କନଫରେନସିଂରେ ଲୋକାର୍ପଣ କରିବେ ମୁଖ୍ୟମନ୍ତ୍ରୀ । କେନ୍ଦ୍ରାପଡ଼ା ଜିଲ୍ଲାର ୯୫, କଟକର ୧୩୫, କଳାହାଣ୍ଡି ୧୦୦, ଝାରସୁଗୁଡ଼ା ୭୦, ଓ ବରଗଡ଼ ଜିଲ୍ଲାର ୯୦ଟି ହାଇସ୍କୁଲକୁ ଲୋକାର୍ପଣ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।