ଆଉ ରହିବନି ଉତ୍ସବ ପାଳନ ପାଇଁ ଜାଗା ଟେନସନ୍, ଶୁଭାରମ୍ଭ ହେଲା ମୁଖ୍ୟମନ୍ତ୍ରୀ ସଭାଗୃହ

ଭୁବନେଶ୍ୱର: ଆଉ ଗାଁ ଓ ସହରରେ ରହିବନି ଉତ୍ସବ ପାଳନ ପାଇଁ ଜାଗା ଟେନସନ୍ । ଶସ୍ତା ଓ ସହଜରେ ମିଳିବ ବିବାହ, ବ୍ରତ ଓ ସଭାସମିତି ପାଇଁ ବିଳାସପୂର୍ଣ୍ଣ ହଲ୍ । ଆଜିଠାରୁ ରାଜ୍ୟରେ ଆରମ୍ଭ ହୋଇଛି ମୁଖ୍ୟମନ୍ତ୍ରୀ ସଭାଘର । ୨ ହଜାର କଲ୍ୟାଣ ମଣ୍ଡପକୁ ମୁଖ୍ୟମନ୍ତ୍ରୀ ସଭାଘରରେ ପରିଣତ କରାଯାଉଛି । ପ୍ରତି ଗାଁରେ ରାଜ୍ୟ ସରକାର ନିର୍ମାଣ କରିବାକୁ ଯାଉଛନ୍ତି ମୁଖ୍ୟମନ୍ତ୍ରୀ ସଭାଘର । ମୁଖ୍ୟମନ୍ତ୍ରୀ ସଭାଘର ପାଇଁ ଏବର୍ଷ ୧୨୫ କୋଟି ଟଙ୍କା ବ୍ୟୟ କରାଯାଇଛି । ସମ୍ୱଲପୁର ଜିଲ୍ଲା କୁଚିଣ୍ଡା ଓ ଦେବଗଡ଼ରେ ବଡ଼ ଅଡିଟୋରିୟମର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।