ଯୁକ୍ତ ଦୁଇ ପରୀକ୍ଷାରେ କୃତୀ ଛାତ୍ରଛାତ୍ରୀଙ୍କୁ ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ

ଭୁବନେଶ୍ୱର :  ଯୁକ୍ତ ଦୁଇ ବିଜ୍ଞାନ ଓ ବାଣିଜ୍ୟ ପରୀକ୍ଷାରେ କୃତୀ ଛାତ୍ରଛାତ୍ରୀଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସମସ୍ତେ ଜୀବନରେ ସଫଳ ହେବା ଲକ୍ଷ୍ୟ ନେଇ ଆଗକୁ ବଢିବାପାଇଁ ପରାମର୍ଶ ଦେଇଛନ୍ତି ମୁଖ୍ୟମନ୍ତ୍ରୀ । ଏହାସହ ସମସ୍ତଙ୍କ ଉଜ୍ବଳ ଭବିଷ୍ୟତ କାମନା କରିଛନ୍ତି ନବୀନ ।

ବାଲେଶ୍ଵର ଜିଲ୍ଲା ଔପଦା ବ୍ଲକ ଚଷାଖଣ୍ଡ ଗାଁର ସବ୍ୟସାଚୀ ପ୍ରଧାନ ସର୍ବାଧିକ ୯୫.୧୬% ତଥା ୫୭୧ ମାର୍କ ରଖି ଗୌରବ ଆଣିଛନ୍ତି । ଝାଡେଶ୍ବର ଯୁକ୍ତ ଦୁଇ ବିଜ୍ଞାନ ଘରୋଇ କଲେଜରେ ସେ ଅଧୟନ କରୁଥିଲେ । ଭଲ ମାର୍କ ରଖିବା ପରେ ସବ୍ୟସାଚୀ ଜଣେ ଭଲ ଡାକ୍ତର ହେବାକୁ ଲକ୍ଷ୍ୟ ରଖିଛନ୍ତି । ସେ ସଫଳତା ପାଇଁ ବାପା, ମା’, କଲେଜର ସମସ୍ତ ଅଧ୍ୟାପକ, ଅଧ୍ୟାପିକା ଓ ସୁପରିଟେଣ୍ଡଙ୍କୁ ଶ୍ରେୟ ଦେଇଛନ୍ତି।