ଭୁବନେଶ୍ୱରରେ ବିଜୁ ବାବୁଙ୍କ ’ଡାକୋଟା’, ସ୍ୱାଗତ ପାଇଁ ବିମାନ ବନ୍ଦରରେ ପହଞ୍ଚିଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ଏଣିକି ବହିରେ ନୁହେଁ ସିଧା ଡାକୋଟାକୁ ଦେଖିବେ ଓଡ଼ିଶାବାସୀ  । ଓଡ଼ିଶାରେ ପହଞ୍ଚିଛି ଭୂମିପୁତ୍ରଙ୍କ ସର୍ବଶ୍ରେଷ୍ଠ ସନ୍ତକ । ପ୍ରବାଦ ପୁରୁଷଙ୍କ ମାଟିକୁ ଫେରିଛି ବିଜୁବାବୁଙ୍କ ବିମାନ ଡାକୋଟା । ୩ଟି ଲରିରେ ଭୁବନେଶ୍ୱରକୁ ଅଣାଯାଇଛି ଡାକୋଟାର ଯନ୍ତ୍ରାଂଶ । କୋଲକାତାରୁ ବାହାରି ବିଭିନ୍ନ ଜିଲ୍ଲା ଅତିକ୍ରମ କରି ଭୁବନେଶ୍ବର ବିମାନବନ୍ଦରର ଟର୍ମିନାଲ ଓ୍ବାନ୍ ସାମନାରେ ପହଞ୍ଚିଛି ଡାକୋଟା  ।

ଭୁବନେଶ୍ୱର ବିମାନ ବନ୍ଦରରେ ବିଜୁ ବାବୁଙ୍କ ଡାକୋଟା ପହଞ୍ଚିବା ପରେ ସ୍ୱାଗତ ପାଇଁ ବିମାନ ବନ୍ଦରରେ ପହଞ୍ଚିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଜୁ ବାବୁଙ୍କ ଡାକୋଟା ଉପରେ ପୁଷ୍ପମାଲ୍ୟ ଅର୍ପଣ କଲେ ମୁଖ୍ୟମନ୍ତ୍ରୀ । ବିଜୁ ବାବୁଙ୍କ ଏହି ସର୍ବଶ୍ରେଷ୍ଠ ସନ୍ତକ ବିମାନବନ୍ଦରରେ ରହିବ । ସାଧାରଣ ଜନତାଙ୍କ ପାଇଁ ଏହି ଡାକୋଟା ପ୍ରଦର୍ଶିତ ହେବ ।