କେନ୍ଦ୍ର-ରାଜ୍ୟ ଜିଏସ୍ଟି ବିବାଦ: ତୁରନ୍ତ ବକେୟା GST ଟଙ୍କା ଦେବା ପାଇଁ କେନ୍ଦ୍ର ଅର୍ଥମନ୍ତ୍ରୀଙ୍କ ଆଗରେ ଓଡ଼ିଶାର ଦାବି
1 min read
GST କ୍ଷତି ଭରଣା ବାବଦରେ କେନ୍ଦ୍ର ଗତ ଏପ୍ରିଲ ଓ ମେ ମାସ ପାଇଁ କେନ୍ଦ୍ର ସେସ ଫଣ୍ଡରୁ ୪୯୬ କୋଟି ଟଙ୍କା ଗତକାଲି ଓଡିଶାକୁ ଦେଇଛନ୍ତି । ତେବେ ଜୁନ, ଜୁଲାଇ, ଅଗଷ୍ଟ ଓ ସେପ୍ଟେମ୍ବର ମାସର ବକେୟା ଟଙ୍କା କିନ୍ତୁ ମିଳିନି । ଗତକାଲି GST କମିଶନ ବୈଠକରେ ତୁରନ୍ତ ବକେୟା ଟଙ୍କା ଦେବା ନେଇ ଓଡିଶା ପକ୍ଷରୁ କେନ୍ଦ୍ର ଅର୍ଥମନ୍ତ୍ରୀଙ୍କ ଆଗରେ ଦାବି ରଖାଯାଇଛି ବୋଲି କହିଛନ୍ତି ରାଜ୍ୟସଭା ସାଂସଦ ଅମର ପଟ୍ଟନାୟକ । ତେବେ ରାଜ୍ୟମାନଙ୍କ ପାଉଣା ନେଇ ବିଚାର ବିମର୍ଶ ଚାଲିଛି ବୋଲି କେନ୍ଦ୍ର ଅର୍ଥମନ୍ତ୍ରୀ ସୂଚନା ଦେଇଥିବା ଅମର କହିଛନ୍ତି ।
ଅନ୍ୟ ପକ୍ଷରେ GST କ୍ଷତି ଭରଣା ଓ କ୍ଷତି ପୂରଣ ପାଇଁ ଓଡିଶା ସହ ୨୧ଟି ରାଜ୍ୟ କେନ୍ଦ୍ର ସରକାରଙ୍କ ଅପ୍ସନ ୧ ଆଧାରରେ GST ବକେୟା ପାଉଣା ନେବାକୁ ରାଜି ହୋଇଛନ୍ତି । ଅପ୍ସନ ୧ ରେ ରାଜ୍ୟ ରିଜର୍ଭ ବ୍ୟାଙ୍କ ଅଫ ଇଣ୍ଡିଆରୁ ଋଣ ଆଧାରରେ ୯୭ ହଜାର କୋଟି ଟଙ୍କା ଫଣ୍ଡରୁ ଋଣ ନେବେ ଯାହାର ମୂଳଧନ ଓ ସୁଧ ସେସ ଫଣ୍ଡରୁ ଶୁଝାଯିବ । ହେଲେ ଅନ୍ୟ କିଛି ରାଜ୍ୟ ଏହାଉପରେ ଵିତର୍କ ଚାହିଁଛନ୍ତି ।
