ଖୋର୍ଦ୍ଧା : ଜିପିଏସ ସହାୟତାରେ ଆସି ଫସିଲେ ବାପା ପୁଅ। ପ୍ରବଳ ବର୍ଷା ଯୋଗୁଁ ଅଣ୍ଡର ପାସ ଭିତରେ ୫ଫୁଟ ପାଣିରେ ପସିଗଲା କାର୍। ଏଭଳି ଏକ ଅଭାବନୀୟ ଘଟଣା ଘଟିଛି ଜଟଣୀ ଅଣ୍ଡର ପାସ ତଳେ। ବାଲେଶ୍ଵରରୁ ଭବାନୀ ଶଙ୍କର ଦାସ ତାଙ୍କ ପୁଅ ସହିତ ଏକ କାର ଯୋଗେ ଜଟଣୀକୁ ଆସିଥିଲେ । ପ୍ରବଳ ବର୍ଷା ଯୋଗୁ ଓଭର୍ ବ୍ରିଜ ତଳେ ଗାଡିଟିକୁ ନେବା ପାଇଁ ଚେଷ୍ଟା କରୁଥିବା ବେଳେ ଓଭର୍ ବ୍ରିଜ ତଳେ ୪ ରୁ ୫ ପୁଟ ପାଣି ଅଛି ବୋଲି ସେ ଜାଣିନଥିଲେ। ଗାଡିଟିକୁ ନେବା ସମୟରେ ଗାଡିଟି ଭାସି ଯାଇଥିଲା। ଫଳରେ ସେ କାର ଡୋରକୁ କୌଶଳ କ୍ରମେ ଖୋଲି ବେକେ ପାଣିରେ ପହଁରି ଉପରକୁ ଆସିଥିଲେI ଏଭଳି ଘଟଣା ଘଟିବା ପରେ ରେଲୱେ ପକ୍ଷରୁ ଦୁଇ ପଟେ ବ୍ୟାରିକେଡ ଲଗା ଯାଇ ସେହି ସ୍ଥାନକୁ ବନ୍ଦ କରାଯାଇଛି I
