କମ୍ପୁଛି ବ୍ରଜରାଜନଗର ମଇଦାନ, ପଞ୍ଚାୟତରୁ ହେଉଛି ବିଜୟ ବ୍ଲୁପ୍ରିଣ୍ଟ

ବ୍ରଜରାଜନଗର: ଆସନ୍ତା ୩୧ ତାରିଖରେ ବ୍ରଜରାଜନଗର ଉପନିର୍ବାଚନ । ଏଥିପାଇଁ ୨୯ ତାରିଖ ସନ୍ଧ୍ୟାରେ ସରିବ ପ୍ରଚାର । ପ୍ରଚାର ପାଇଁ ଆଜିକୁ ମିଶାଇ ହାତରେ ଆଉ ୩ ଦିନ । ଦିନ ସରୁଥିବାବେଳେ କ୍ୟାମ୍ପେନିଂକୁ ଆହୁରି ଜୋରଦାର କରିଛନ୍ତି ତିନି ପ୍ରମୁଖ ରାଜନୈତିକ ଦଳ । ରୋଡ୍ ସୋ, ସଭା, ଶୋଭାଯାତ୍ରାରେ ଭୋଟରଙ୍କ ପାଖରେ ପହଞ୍ଚୁଛନ୍ତି ନେତା । ନିଜ ସପକ୍ଷରେ ଭୋଟରଙ୍କୁ ମନାଇବାକୁ ଲାଗିପଡ଼ିଛନ୍ତି ପ୍ରାର୍ଥୀ । ବିକାଶକୁ ପ୍ରସଙ୍ଗ କରି ଭୋଟରଙ୍କୁ ପାଖକୁ ଯାଉଛି ବିଜେଡି । ବିଜୟ ପାଇଁ ପ୍ରତି ପଞ୍ଚାୟତରେ ସ୍ୱତନ୍ତ୍ର ରଣନୀତି କରୁଛି ଦଳ । ବିଭିନ୍ନ ସ୍ଥାନରେ ଦଳୀୟ ପ୍ରାର୍ଥୀ ଅଳକା ମହାନ୍ତିଙ୍କ ପାଇଁ ରୋଡ ସୋ’ କରୁଛନ୍ତି ହେଭିଓ୍ୱେଟ୍ ।

ସେପଟେ ବିଜେଡିକୁ ଟକ୍କର ଦେବାକୁ ଲାଗି ପଡ଼ିଛନ୍ତି ଦୁଇ ବିରୋଧୀ । ବିଭିନ୍ନ ସ୍ଥାନରେ ସଭା କରି ଭୋଟ ହାତେଇବାକୁ ଉଦ୍ୟମ କରୁଛି କଂଗ୍ରେସ । ଅନ୍ୟପଟେ ଫୁଲ୍‌ ଦମରେ ଲାଗିପଡ଼ିଛି ବିଜେପି । ବିଭିନ୍ନ ପ୍ରସଙ୍ଗ ନେଇ ଭୋଟରଙ୍କ ପାଖକୁ ଯାଉଛନ୍ତି ଷ୍ଟାର ପ୍ରଚାରକ। ଘରକୁ ଘର ଦଳୀୟ ପ୍ରାର୍ଥୀଙ୍କ ପାଇଁ ଭୋଟ୍ ମାଗୁଛନ୍ତି ଦଳୀୟ ନେତା ଓ କର୍ମୀ ।