NDA ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବ ବିଏସପି

ନୂଆଦିଲ୍ଲୀ: ରାଷ୍ଟ୍ରପତି ନିର୍ବାଚନରେ ବିଏସପି ଏନଡିଏ ପ୍ରାର୍ଥୀ ଦୌପଦୀ ମୁର୍ମୁଙ୍କୁ ସମର୍ଥନ କରିବ । ବିଏସପି ସୁପ୍ରିମୋ ମାୟାବତୀ ଏହି ସୂଚନା ଦେଇଛନ୍ତି । ଦ୍ରୌପଦୀ ମୁର୍ମୁ ଆଦିବାସୀ ସଂପ୍ରଦାୟର ହୋଇଥିବାରୁ ବିଏସପି ତାଙ୍କୁ ସମର୍ଥନ ଦେବ । ଏଥିସହିତ ମାୟାବତୀ ବିରୋଧୀ ମେଣ୍ଟ ଉପରେ ବର୍ଷିଛନ୍ତି । ବିରୋଧୀ ମେଣ୍ଟ ରାଷ୍ଟ୍ରପତି ପ୍ରାର୍ଥୀ ନେଇ ବିଏସପି ସହ ପରାମର୍ଶ କରି ନ ଥିଲେ ବୋଲି କହିଛନ୍ତି ମାୟାବତୀ ।

ମାୟାବତୀ ଅଭିଯୋଗ କରିଛନ୍ତି ଯେ, ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଓ ପୂର୍ବତନ କେନ୍ଦ୍ର ମନ୍ତ୍ରୀ ଶରଦ ପାଓ୍ବାର ବିଏସପିକୁ ପ୍ରାର୍ଥୀ ଚୟନ ପାଇଁ କରିଥିବା ବୈଠକକୁ ଡାକି ନ ଥିଲେ । ବିଏସପି ଏକମାତ୍ର ଜାତୀୟ ଦଳ, ଯାହାର ନେତୃତ୍ବ ଦଳିତଙ୍କ ପାଖରେ ରହିଛି । ଜାତିଆଣ ମାନସିକତା ରଖୁଥିବା ଲୋକେ ସବୁବେଳେ ବିଏସପିକୁ ବଦନାମ କରିବାକୁ ଚେଷ୍ଟା କରୁଛନ୍ତି ବୋଲି ଅଭିଯୋଗ କରିଛନ୍ତି ମାୟାବତୀ ।