କୋରାପୁଟ: ମାଓବାଦୀଙ୍କ ଷଡ଼ଯନ୍ତ୍ରକୁ ପଣ୍ଡ କରିଛି ବିଏସ୍ଏଫ୍। କୋରାପୁଟ ଜିଲ୍ଲା ପୂଜାରୀପୁଟ ଜଙ୍ଗଲରୁ ଆଇଇଡି ନିଷ୍କ୍ରିୟ କରିଛି ରାମଗିରିର ବିଏସ୍ଏଫ୍ ଟିମ୍। ବିଶ୍ୱସ୍ତ ସୂତ୍ରରୁ ଖବର ପାଇ ରାମଗିରି _ଗୁପ୍ତେଶ୍ୱର ରାସ୍ତାର ପୂଜାରୀପୁଟ ଜଙ୍ଗଲରୁ ଆଇଇଡି ଠାବ କରି ନିଷ୍କ୍ରିୟ କରାଯାଇଛି। ସୁରକ୍ଷା ବାହିନୀକୁ ଟାର୍ଗେଟ କରି ମାଓବାଦୀ ଏହା ଖଞ୍ଜିଥିଲେ। ରାମଗିରିସ୍ଥିତ ବିଏସ୍ଏଫ୍ ୧୫୧ ବାଟାଲିଅନର ବମ ସ୍କ୍ୱାଡ ଟିମ୍ ଘଟଣାସ୍ଥଳରେ ପହଞ୍ଚି ଆଇଇଡି ନିଷ୍କ୍ରିୟ କରିଛନ୍ତି। ଏହାଦ୍ୱାରା ବଡ଼ ଧରଣର ଅଘଟଣକୁ ଏଡ଼ାଇ ଦିଆଯାଇଛି। ଛତିଶଗଡ଼ ସୀମାନ୍ତ ଅଞ୍ଚଳରେ ସକ୍ରିୟଥିବା ମାଓବାଦୀଙ୍କୁ ଦମନ କରିବାକୁ ବିଏସଏଫ ପକ୍ଷରୁ ବ୍ୟାପକ ଅପରେସନ ଚାଲିଛି।
