ମଝି ଚିଲିକାରେ ଅଟକିଲା ଡଙ୍ଗା: ଫଶିଲେ ୩୦ରୁ ଅଧିକ ଯୁକ୍ତ ଦୁଇ ଛାତ୍ରଛାତ୍ରୀ

ଚିଲିକା: ପୁଣି ଚିଲିକା ମଝିରେ ଅଟକିଲା ଡଙ୍ଗା । ଏଥିର ଫଶି ରହିଛନ୍ତି ୩୦ଜଣ ଯୁକ୍ତ ଦୁଇ ଛାତ୍ରଛାତ୍ରୀ । ଚଳିତ ବର୍ଷ ପରୀକ୍ଷା ଚାଲିଥିବା ବେଳେ ପରୀକ୍ଷା ଯିବା ପୂର୍ବରୁ ଏଭଳି ଘଟଣା ସାମ୍ନାକପ ଆସିଛି । ୩୦ରୁ ଅଧିକ ଯୁକ୍ତ ଦୁଇ ଛାତ୍ରଛାତ୍ରୀଙ୍କ ସହ ଫଶିରହିଥିଲେ ୫୦ ଯାତ୍ରୀ । ଡଙ୍ଗାରେ ସାତପଡ଼ା କଲେଜର ୩୦ରୁ ଅଧିକ ଯୁକ୍ତ ଦୁଇ ଛାତ୍ରଛାତ୍ରୀ ରହିଥିଲେ ।

ଆଜି ସକାଳ ପ୍ରାୟ ୯ଟା ସମୟରେ ଡଙ୍ଗାଟି କୃଷ୍ଣପ୍ରସାଦ ବ୍ଲକର ଜହ୍ନକୁଦାରୁ ସାତପଡ଼ା ଅଭିମୁଖେ ଯାଉଥିଲା । ତେବେ ଏହି ଯାତ୍ରୀବାହୀ ଡଙ୍ଗାରେ ଯାନ୍ତ୍ରିକ ତ୍ରୁଟି ଦେଖାଦେବାରୁ ଚିଲିକା ମଝିରେ ଡଙ୍ଗା ଅଟକିଥିଲା । ତେବେ ଦୀର୍ଘ ଘଣ୍ଟାଏ ପରେ ନାଉରିଆଙ୍କ ବୁଦ୍ଧି ଯୋଗୁଁ ସମସ୍ତ ଯାତ୍ରୀ ସୁରକ୍ଷିତ ଭାବରେ ଘାଟରେ ପହଞ୍ଚିଛନ୍ତି ।