ନୂଆପଡ଼ା ସଦର ମହକୁମା ସିଲ୍ଦା ଅନ୍ୱେଷା ହଷ୍ଟେଲ ପରିସରରେ ୨ଶହ ଶଯ୍ୟା ବିଶିଷ୍ଟ କୋଭିଡ୍ ହସ୍ପିଟାଲ ଉଦଘାଟିତ
ନୂଆପଡ଼ା: ନୂଆପଡ଼ା ସଦର ମହକୁମା ସିଲ୍ଦା ଅନ୍ୱେଷା ହଷ୍ଟେଲ ପରିସରରେ ୨ଶହ ଶଯ୍ୟା ବିଶିଷ୍ଟ କୋଭିଡ ହସ୍ପିଟାଲ ଉଦଘାଟିତ ହୋଇଯାଇଛି । ଏହାକୁ ଜିଲ୍ଲାପାଳ ମଧୁସ୍ମିତା ସାହୁ ଉଦ୍ଘାଟନ କରିଛନ୍ତି । କରୋନା ମୁକାବିଲା ପାଇଁ ଏଠାରେ ୧୪ଟି ଆଇସୋଲେସନ ରୁମର ବ୍ୟବସ୍ଥା ହୋଇଛି । ୫ ଗୋଟି ଆଇସିୟୁ ବ୍ୟବସ୍ଥା ମଧ୍ୟ କରାଯାଇଛି ।
ଏଠାରେ ୨୦ ଜଣ ଡାକ୍ତର, ୭୫ ଜଣ ନର୍ସ, ଜଣେ ଏଲଟି ଏବଂ ୪ ଜଣ ଫାର୍ମାସିଷ୍ଟ ନିୟୋଜିତ ହୋଇଛନ୍ତି । ବର୍ତ୍ତମାନ ସୁଦ୍ଧା ଜିଲ୍ଲାରେ ଗୋଟିଏ ମଧ୍ୟ କରୋନା ରୋଗୀ ଚିହ୍ନଟ ହୋଇନାହାଁନ୍ତି । ପୂର୍ବରୁ ୫୮ ଜଣଙ୍କ ନମୁନା ସଂଗ୍ରହ କରାଯାଇ ଟେଷ୍ଟ ରିପୋର୍ଟ ନେଗେଟିଭ ଆସିଛି । ଏବେ ଆଉ ୫୮ ଜଣଙ୍କ ନମୁନା ସଂଗ୍ରହ କରାଯାଇଛି । ସେମାନଙ୍କ ରିପୋର୍ଟକୁ ଅପେକ୍ଷା କରାଯାଇଛି ।
