ଯାଜପୁରରେ ଧନ୍ୟବାଦ ରକ୍ତଦାତା କାର୍ଯ୍ୟକ୍ରମ

ଯାଜପୁର: ରକ୍ତ ଦାନ, ମହା ପୂଣ୍ୟ । ଯାହାକୁ ସାର୍ଥକ କରିବା ପାଇଁ ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ଉଦ୍ୟମ କରିଥିଲେ । ଏଥିରେ ତାଙ୍କୁ ସଫଳତା ମିଳିଛି । ଯାହାର ଶ୍ରେୟ ବିଧାୟକ ରକ୍ତଦାତା ମାନଙ୍କୁ ଦେବା ସହ ଶୁଭେଚ୍ଛା ଜଣାଇଛନ୍ତି । ଏହି ଅବସରରେ ଆଜି ସ୍ଥାନୀୟ ସଂସ୍କୃତି ଭବନରେ ଧନ୍ୟବାଦ ରକ୍ତଦାତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।

କାର୍ଯ୍ୟକ୍ରମରେ ଜିଲ୍ଲାପାଳ ରଞ୍ଜନ କୁମାର ଦାସ, ପୂର୍ବତନ ପୌରାଧ୍ୟକ୍ଷ ଯଯାତୀ କେଶରୀ ଦାସ, ପୂର୍ଣ୍ଣଚନ୍ଦ୍ର ଦେଓ, କଣ୍ଣାଟକେଶରୀ ଦାସ, ବ୍ଲକ ଅଧ୍ୟକ୍ଷ ପ୍ରଦୀପ ନାୟକ, ରମଣି ରଞ୍ଜନ ରାଉତରାୟଙ୍କ ସମେତ ୫ଟି ପଞ୍ଚାୟତ ପଣସାମାଳ, ଆନନ୍ଦପୁର, ବିଚିତ୍ରପୁର, ଭୁବନେଶ୍ୱରପୁର ଓ ମହେଶ୍ୱରପୁରର କର୍ମକର୍ତ୍ତା ଓ ରକ୍ତଦାତା ଉପସ୍ଥିତ ରହିଥିଲେ ।

୫ଟି ପଞ୍ଚାୟତର ୫ଟି ଶିବିରରେ ୨୬୫ ୟୁନିଟ ରକ୍ତ ସଂଗୃହୀତ ହୋଇଥିଲା । ଶେଷରେ ରାଷ୍ଟ୍ରପତି ପୁରସ୍କାର ପ୍ରାପ୍ତ ସଙ୍ଗୀତ ନିର୍ଦ୍ଦେଶକ ଦିନେଶ ମଲିକଙ୍କ ଦ୍ୱାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପ୍ରଦର୍ଶନ କରାଯିବା ସହ ସହ କାଳୀ ପୂଜା ଉପଲକ୍ଷେ କ୍ୟାସେଟ ଉନ୍ମୋଚନ କରାଯାଇଥିଲା । ')}

Leave a Reply

Your email address will not be published.