ଖାଲିସ୍ତାନୀ ଆତଙ୍କବାଦୀ ପରମଜିତ୍ ସିଂକୁ ଗୁଳି କରି ହତ୍ୟା

ଇସଲାମାବାଦ: ଆତଙ୍କବାଦୀ ଏବଂ ଖାଲିସ୍ତାନ କମାଣ୍ଡୋ ଫୋର୍ସ (କେସିଏଫ୍)ର ମୁଖିଆ ପରମଜିତ ସିଂହ ପଞ୍ଜୱଡ଼ ଓରଫ ମଲିକ ସରଦାର ସିଂକୁ ଶନିବାର ଗୁଳି ମାରି ହତ୍ୟା କରାଯାଇଛି । ଆଜି ସକାଳେ ପାକିସ୍ତାନରେ ଲାହୋରର ଜୌହର ଟାଉନରେ ୨ଜଣ ଅଜ୍ଞାତ ବନ୍ଧୁକଧାରୀ ଏହି ଘଟଣା ଘଟଇଛନ୍ତି । ଜୌହର ସହରରେ ସନଫ୍ଲାୱାର ସୋସାଇଟିରେ ପଞ୍ଜୱଡ଼ର ଘର ପାଖରେ ସକାଳ ପ୍ରାୟ ୬ ଟା ସମୟରେ ଏହି ଘଟଣା ଘଟିଛି । ରିପୋର୍ଟ ମୁତାବକ ପଞ୍ଜୱଡ଼ ମର୍ଣ୍ଣିଂୱାକରେ ଯାଉଥିବା ସମୟରେ ମୋଟରସାଇକେଲରେ ଆସି ଦୁଇ ଦୁର୍ବୃର୍ତ୍ତ ସେ ସମୟରେ ତାଙ୍କ ଉପରକୁ ଗୁଳି ମାଡ଼ କରିଥିଲେ ।

କେସିଏଫ ମୁଖିଆ ସହ ଯାଉଥିବା ଜଣେ ବ୍ୟକ୍ତି ମଧ୍ୟ ଏହି ଗୁଳିମାଡ଼ରେ ଆହତ ହୋଇଛନ୍ତି, ତାକୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି । ପରମଜିତ ସିଂହ ପଞ୍ଜୱଡ ଭାରତର ପଞ୍ଜାବରେ ଡ୍ରୋନ ଜରିଆରେ ନିଶାଦ୍ରବ୍ୟ ଏବଂ ଅସ୍ତ୍ରଶସ୍ତ୍ର ଚୋରାଚାଲାଣ କାର୍ଯ୍ୟରେ ସାମିଲ ରହିଥିଲା । ପରମଜିତର ଜନ୍ମ ତରନ ତାରନ ପାଖ ପଞ୍ଜୱଡ଼ ଗାଁରେ ହୋଇଥିଲା ।  ୧୯୮୬ ମସିହାରେ ପଞ୍ଜୱଡ଼ ନିଜର ସମ୍ପର୍କୀୟ ଭାଇ ଲାଭ ସିଂହଙ୍କ ଦ୍ୱାରା କଟ୍ଟରପନ୍ଥୀ ହେବା ପରେ କେସିଏଫରେ ସାମିଲ ହୋଇଥିଲା । ଏହା ପୂର୍ବରୁ ସେ ସୋହଲରେ କେନ୍ଦ୍ରୀୟ ସହକାରୀ ବ୍ୟାଙ୍କରେ କାମ କରୁଥିଲା ।

ଭାରତୀୟ ସୁରକ୍ଷାକର୍ନମୀଙ୍କ ହାତରେ ଲାଭ ସିଂର ମୃତ୍ୟ ପରେ ୧୯୯୦ ମସିହାରେ ପରମଜିତ ପାକିସ୍ତାନ ପଳାୟନ କରିଥିଲା ଏବଂ ସେଠାରୁ ସେ କେସିଏଫର କମାନ ସମ୍ଭାଳିଥିଲା । ପାକସ୍ତାନ ଦ୍ୱାରା ଶରଣ ଦିଆଯାଉଥିବା ସବୁଠୁ ମୋଷ୍ଟ ୱାଣ୍ଟେଡ ଆତଙ୍କବାଦୀଙ୍କ ସୂଚୀରେ ଶୀର୍ଷରେ ଥିଲା ପରମଜିତ୍ । ପଞ୍ଜାବରେ ଅସ୍ତଶସ୍ତ୍ର ଏବଂ ହେରୋଇନର ଚୋରାଲାଣ କରି ଧନ ଅର୍ଜିତ କରି କେସିଏଫକୁ ଜୀବିତ ରଖିଥିଲା ପରମଜିତ୍ । ପାକିସ୍ତାନ ସରକାର ମନା କରିବା ସତ୍ତ୍ୱେ ସେ ଲାହୋରରେ ରହିଥିଲା, ଯେତବେଳେ କି ତାର ପତ୍ନୀ ଏବଂ ପିଲା ଜର୍ମାନୀ ଚାଲିଯାଇଥିଲେ ।