ମେସେଞ୍ଜର କି ହ୍ୱାଟ୍ସଆପ୍ ନୁହଁ ଆତଙ୍କବାଦୀ ବ୍ୟବହାର କରୁଛନ୍ତି ନୂଆ ଆପ୍: ଆତଙ୍କୀ କାର୍ଯ୍ୟକଳାପ ନେଇ ପ୍ରସ୍ତୁତ କରୁଛନ୍ତି ବ୍ଲୁ-ପ୍ରିଣ୍ଟ

ଶ୍ରୀନଗର: ଆତଙ୍କବାଦୀ ସଂଗଠନ ଖୋଜୁଛନ୍ତି ଆତଙ୍କୀ । ଏଥିଲାଗି ସେମାନେ ବ୍ୟବହାର କରୁଛନ୍ତି ଅତ୍ୟାଧୁନିକ ମେସେଞ୍ଜର ଆପ୍ । ଯାହା ଜରିଆରେ ସେମାନେ ଯୁବପିଢ଼ିଙ୍କ ସହ ଯୋଗାଯୋଗ ସ୍ଥାପନ କରୁଛନ୍ତି ଏବଂ ଆତଙ୍କବାଦୀ ସଂଗଠନରେ ସାମିଲ ହେବାକୁ ପ୍ରବର୍ତ୍ତାଉଛନ୍ତି । ଏଥିସହିତ ଏହି ଆପ୍ ଗୁଡ଼ିକ ସହାୟତରେ ଆତଙ୍କୀ କାର୍ଯ୍ୟକଳାପର ବ୍ଳ୍ୟୁ-ପ୍ରିଣ୍ଟ ମଧ୍ୟ ପ୍ରସ୍ତୁତ କରୁଛନ୍ତି । ଯାହାର କି କେହିଁ ଟେର୍ ବି ପାଇପାରନ୍ତି ନାହିଁ ।

ବର୍ତ୍ତମାନ ମେସେଜିଂ ଆପ୍ ଗୁଡ଼ିକରେ ବ୍ୟବହାରକାରୀଙ୍କ ବ୍ୟକ୍ତିଗତ ତଥ୍ୟର ଗୋପନୀୟତା ନେଇ ସନ୍ଦେହ ସୃଷ୍ଟି ହୋଇଛି । ଏଭଳି ସ୍ଥିତିରେ ସାଧରଣ ଲୋକେ ଚାଟିଂ ଆପ୍ଗୁଡ଼ିକ ମାଧ୍ୟମରେ ବାର୍ତ୍ତାଳପକୁ ସୁରକ୍ଷିତ ମଣୁନଥିବା ବେଳେ ଆତଙ୍କବାଦୀ ଆପଣାଇଛନ୍ତି ଭିନ୍ନ ପନ୍ଥା । ଆତଙ୍କବାଦୀ ସଂଗଠନଗୁଡ଼ିକ ହ୍ୱାଟ୍ସଆପ୍ କିମ୍ୱା ଫେସବୁକ୍ ମେସେଞ୍ଜର ବଦଳରେ କିଛି ଅତ୍ୟାଧୁନିକ ଆପଗୁଡ଼ିକୁ ବ୍ୟବହାର କରୁଛନ୍ତି ।

ଏକ ଏନ୍‌କାଉଣ୍ଟର ବେଳେ ଆତ୍ମସମର୍ପଣ କରିଥିବା ଆତଙ୍କବାଦୀଠାରୁ ଏହି ତଥ୍ୟ ପ୍ରାପ୍ତ ହୋଇଛି । ଆତଙ୍କବାଦୀମାନେ ଆମେରିକା, ୟୁରୋପ ଓ ତୁର୍କୀ ଦ୍ୱାରା ବିକଶିତ କରାଯାଇଥିବା ଚାର୍ଟିଂ ଆପ୍ ଗୁଡ଼ିକର ବ୍ୟବହାର କରୁଛନ୍ତି । ଏହି ଆପ୍‌ ମାଧ୍ୟମରେ ପାକିସ୍ତାନ ସ୍ଥିତ ଆତଙ୍କବାଦୀ ସଂଗଠନଗୁଡ଼ିକ ସହିତ ଯୋଗାଯୋଗ କରୁଛନ୍ତି । ଏ ସମ୍ପର୍କରେ ଜାତୀୟ ତଦନ୍ତକାରୀ ସଂସ୍ଥା (ଏନ୍ଆଇଏ)କୁ ଆତ୍ମସମର୍ପଣକାରୀ ଆତଙ୍କୀ କହିଛନ୍ତି । ତେବେ ସୁରକ୍ଷା ଦୃଷ୍ଟିରୁ ଏହି ଆପ୍‌ ଗୁଡ଼ିକର ନାମ ଗୋପନ ରଖାଯାଇଛି । ଆଉ ଏହି ଆପଗୁଡ଼ିକ ମାଧ୍ୟମରେ ଆତଙ୍କବାଦୀମାନେ କଶ୍ମୀର ଭ୍ୟାଲିରେ ନିଯୁକ୍ତି ଚଳାଇଥିବା ତଥ୍ୟ ମଧ୍ୟ ପଦାକୁ ଆସିଛି ।

  ଏହି ଆପଗୁଡ଼ିକର ବଡ଼ ବିଶେଷ୍ୱତ ହେଉଛି ଏହା ଅତି କମ୍ ସ୍ପିଡର ଇଣ୍ଟରନେଟରେ ମଧ୍ୟ କାର୍ଯ୍ୟ କରିପାରେ । ଏଣୁ ଫେସବୁକ୍ ମେସେଞ୍ଜର ଏବଂ ହ୍ୱାଟସ୍ଆପ୍ ବଦଳରେ ଏହି ଆପଗୁଡ଼ିକୁ ବ୍ୟବହାର କରୁଛନ୍ତି । ଯାହା ଓ୍ୱାର୍ଲ୍ଡ ଓ୍ୱାଇଡ୍ ଓ୍ୱେବରେ ବିନା କୌଣସି ମୂଲ୍ୟରେ ଉପଲବ୍ଧ । ଏହା ଦ୍ୱାରା ଆତଙ୍କବାଦୀ ପରସ୍ପର ମଧ୍ୟରେ ସିଧାସଳଖ କଥାବର୍ତ୍ତା ହୁଅନ୍ତି । ଏବଂ ଏହି ବାର୍ତ୍ତାଳପ ସମ୍ପର୍କରେ ଥାର୍ଡ ପାର୍ଟି ବା ଅନ୍ୟ କୌଣସି ବ୍ୟକ୍ତି ଅବଗତ ହୋଇପାରନ୍ତି ନାହିଁ । ଏଥିସହିତ ଆତଙ୍କବାଦୀମାନେ ପାକିସ୍ତାନରେ ଥିବା ସଂଗଠନ ସହିତ ଯୋଗାଯୋଗ ପାଇଁ ’ଭର୍ଚୁଆଲ୍ ସିମ୍‌’ର ମଧ୍ୟ ବ୍ୟବହାର କରୁଛନ୍ତି । ଆମେରିକା ସ୍ଥିତ ସଂସ୍ଥା ପକ୍ଷରୁ ଏହି ସେବା ପ୍ରଦାନ କରାଯାଏ । ଏହି ଭର୍ଚୁଆଲ୍ ସିମ୍‌ର ବ୍ୟବହାର ସମ୍ପର୍କରେ ପୁଲଓ୍ୱାମା ଆଟାକ ପରେ ୨୦୧୯ ମସିହାରେ ଜଣାପଡ଼ିଥିଲା ।  ଜୈସ-ଏ – ମହମ୍ମଦର ଆତ୍ମଘାତି ବୋମା ବିସ୍ପୋରଣରେ ମୃତ୍ୟୁ ବରଣ କରିଥିବା ଆତଙ୍କୀ ବ୍ୟବହାର କରୁଥିବା ଭର୍ଚୁଆଲ ସିମ୍ ସମ୍ପର୍କିତ ତଥ୍ୟ ଆମେରିକାର ସେବା ପ୍ରଦାନକାରୀ ସଂସ୍ଥାକୁ ପାକିସ୍ତାନର ଆତଙ୍କୀ ସଂଗଠନ ପକ୍ଷରୁ ମଗାଯାଇଥିଲା । ଏହା ପରେ ଅବଗତ ହୋଇଥିଲେ ଜାତୀୟ ତଦନ୍ତକାରୀ ସଂସ୍ଥା ।

ଏଥିସହିତ ପଢ଼ନ୍ତୁ: ଟ୍ରାକ୍ଟର ପରେଡ୍ ପାଇଁ ପାକିସ୍ତାନରେ ଖୋଲିଛି ୩୦୮ଟି ଟ୍ୱିଟର ହ୍ୟାଣ୍ଡେଲ୍

ଏହି ଭର୍ଚୁଆଲ ସିମ୍‌ର ବ୍ୟବହାର ନେଇ କମ୍ପ୍ୟୁଟର ଦ୍ୱାରା ଜାରି କରାଯାଇଥିବା ଫୋନ୍ ନମ୍ୱର ଜରିଆରେ ଏକ ଆପ୍ ଡାଉନଲୋଡ କରିବାକୁ ପଡ଼ୁଥିଲା । ଯାହା ସହାୟତାରେ ଆତଙ୍କୀ ସଂଗଠନଗୁଡ଼ିକ ନିଜ ଆତଙ୍କୀ କାର୍ଯ୍ୟକଳାପକୁ ଭିଆଉଥିଲେ ।