ଫିଲ୍ମ ନିର୍ମାତା ଏକତା କପୁର ଓ ମାଆ ଶୋଭାଙ୍କ ବଢିଲା ଅଡୁଆ

ନନ୍ଦିଘୋଷ ବ୍ୟୁରୋ: ଫିଲ୍ମ ନିର୍ମାତା ଏକତା କପୁରଙ୍କ ବଢିଲା ଅଡୁଆ। ପୋକ୍ସ ଧାରା ଅଧିନରେ ସିନେ ନିର୍ମାତା ଏକତା କପୁର ଏବଂ ତାଙ୍କ ମାଆ ଶୋଭା କପୁରଙ୍କ ନାଁରେ ମାମଲା ରୁଜୁ ହୋଇଛି। ଓଟିଟି ପ୍ଲାଟଫର୍ମରରେ ୱେବ ସିରିଜ୍ ଗନ୍ଦିବାତକୁ ନେଇ ଏହି ମାମଲା ରୁଜୁ ହୋଇଛି। ଅଲ୍ଟ ବାଲାଜୀର ୱେବ ସିରିଜ ଗନ୍ଦି ବାତର ସିଜନ- ୬ର ଏକ ଏପିସୋଡରେ ନାବାଳିକାଙ୍କୁ ନେଇ ଅଶ୍ଳୀଳ ଦୃଶ୍ଯ ପ୍ରଦର୍ଶିତ କରାଯାଇଛି। ଏହାକୁ ନେଇ ଏହି ପ୍ଲାଟଫର୍ମର ପୁରୁଣା ପ୍ରଯୋଜକ ଏକତା କପୁର ଏବଂ ତାଙ୍କ ମାଆ ଶୋଭା କପୁରଙ୍କ ନାଁରେ ମାମଲା ରୁଜୁ ହୋଇଛି। ଫେବୃଆରୀ ୨୦୨୧ଠାରୁ ଏପ୍ରିଲ ୨୦୨୧ ମଧ୍ୟରେ ଅଲ୍ଟ ବାଲାଜୀ ଆପରେ ଏହି ୱେବ ସିରିଜ୍ ପ୍ରଦର୍ଶିତ ହୋଇଥିଲା। ତେବେ  ବିବାଦ ପରେ ଏହି ବିବାଦୀୟ ଭିଡିଓକୁ ଷ୍ଟ୍ରିମିଂରୁ ହଟାଇ ଦିଆଯାଇଛି। ଏହି ସିରିଜରେ ସିଗାରେଟର ବିଜ୍ଞାପନ ଲାଗି ମହାପୁରୁଷ ଏବଂ ସନ୍ଥମାନଙ୍କୁ ଅସମ୍ମାନ କରାଯାଇଥିବା ଅଭିଯୋଗ ହୋଇଛି। ତେବେ ଏ ନେଇ ଫିଲ୍ମମେକର ଏକତା କପୁରଙ୍କ ପକ୍ଷରୁ କୌଣସି ପ୍ରତିକ୍ରିୟା ଏପର୍ଯ୍ୟନ୍ତ ଆସିନାହିଁ। ଶିଶୁଙ୍କୁ ନେଇ ଫିଲ୍ମ କିମ୍ବା ଟିଭିରେ କୌଣସି ଅଶ୍ଳୀଳ ଦୃଶ୍ୟ ପ୍ରଦର୍ଶିତ ହୋଇପାରିବନି ବୋଲି ସେପ୍ଟେମ୍ବର ୨୭ରେ ବଡ଼ ରାୟ ଦେଇଥିଲେ ସୁପ୍ରିମକୋର୍ଟ। ପିଲାଙ୍କୁ ନେଇ ଏଭଳି ଅଶ୍ଳୀଳ ବିଷୟ ଦେଖିବା, ପ୍ରଦର୍ଶିତ କରିବା ଏବଂ ଡାଉନଲୋଡ୍ କରିବା ଅପରାଧ ବୋଲି କହିଥିଲେ ସର୍ବୋଚ୍ଚ ନ୍ୟାୟାଳୟ। ଏହି ନିର୍ଦ୍ଦେଶନାମାକୁ ନେଇ ୱେବ ସିରିଜକୁ ନେଇ ଅଭିଯୋଗ ଆଣିଛନ୍ତି ସିନେ ନିର୍ମାତା। ୨୦୧୮ରେ ଏହି ସିରିଜ୍ ଆରମ୍ଭ ହୋଇଥିଲା। ଏହି ସିରିଜର ନିର୍ଦ୍ଦେଶନା ଦେଉଛନ୍ତି ସଚିନ ମୋହିତ।