ପୂର୍ତ୍ତବିଭାଗର ରାସ୍ତା ପ୍ରଶସ୍ତିକରଣକୁ ବସ୍ତି ବାସିନ୍ଦାଙ୍କ ତୀବ୍ର ଉତ୍ତେଜନା
ଭୁବନେଶ୍ବର: ଭୁବନେଶ୍ବର ସାଲିଆ ସାହିରେ ପୂର୍ତ୍ତବିଭାଗର ରାସ୍ତା ପ୍ରଶସ୍ତିକରଣକୁ ନେଇ ତୀବ୍ର ଉତ୍ତେଜନା। ଆଜି ସାଲିଆ ସାହି ଛକରୁ ରେଳ ବିହାର ପର୍ଯ୍ୟନ୍ତ ୨ଶହ ଫୁଟିଆ ରାସ୍ତା ନିର୍ମାଣ କରାଯାଉଛି। ସାଲିଆ ସାହି ବସ୍ତିର କିଛି ଅଂଶ ଏହି ୨ଶହ ଫୁଟିଆ ରାସ୍ତା ମଝିରେ ଆସୁଥିବାରୁ ତାକୁ ଉଛେଦ କରାଯିବାକୁ ପୂର୍ତ୍ତ ବିଭାଗ ପକ୍ଷରୁ ଉଦ୍ୟମ କରାଯାଉଥିଲା। ହେଲେ ବସ୍ତି ଉଛେଦ ଓ ରାସ୍ତା ନିର୍ମାଣ କାମକୁ ବସ୍ତି ବାସିନ୍ଦା ତୀବ୍ର ବିରୋଧ କରିଥିଲେ। ଫଳରେ ଦୀର୍ଘ ସମୟ ଧରି ସେଠାରେ ଉତ୍ତେଜନା ଦେଖା ଦେଇଥିଲା।
ଘଟଣଣାସ୍ଥଳରେ ନୟାପଲ୍ଲୀ ଥାନା ପୋଲିସ ପହଞ୍ଚି ପୂର୍ତ୍ତ ବିଭାଗର ଜେସିବିକୁ ଲୋକଙ୍କ କବଳରୁ ଉଦ୍ଧାର କରିବା ସହ, ଆଇନଶୃଙ୍ଖଳା ସ୍ଥିତ ସମ୍ଭାଳି ଥିଲେ। ଲୋକଙ୍କ କହିବା ହେଲା ପୁର୍ବରୁ ମଧ୍ୟ ପୂର୍ତ୍ତ ବିଭାଗ ପକ୍ଷରୁ ବସ୍ତି ଉଛେଦ କରିବାକୁ ଉଦ୍ୟମ କରାଯାଇଥିଲା। ହେଲେ ଲୋକଙ୍କୁ ଥଇଥାନ ନକରି ବସ୍ତି ଉଛେଦ ଓ ରାସ୍ତାନିର୍ମାଣକୁ ଆସନ୍ତାଦିନରେ ମଧ୍ୟ ବିରୋଧ କରାଯିବ।
