ରାଜଧାନୀରେ ସିରିଜ ଦୁର୍ଘଟଣା, ଦୁର୍ଘଟଣା ଘଟାଇ ଥିବା ଗାଡି ଭାଙ୍ଗିଲେ ଉତ୍ତ୍ୟକ୍ତ ଲୋକେ

ଭୁବନେଶ୍ବର: ରାଜଧାନୀ ଭୁବନେଶ୍ବରର ଜାଭିଅର ଛକରେ ସିରିଜ ଦୁର୍ଘଟଣା । ୪ଟି ଗାଡିକୁ ଧକ୍କା ଦେଲା ଏକ କାର୍ । ଜାଭିଅର ଛକ ହାତିଆଶୁଣି ରାସ୍ତା ସାଲିଆସାହି ନିକଟରେ ଦୁର୍ଘଟଣା ଘଟିଛି ।

ଜାଭିଅର ଛକ ଆଡୁ କାରଟି ଦ୍ରୁତ ଗତିରେ ଆସି ରାସ୍ତା କଡରେ ଛିଡା ହୋଇଥିବା ୪ଟି ଗାଡିକୁ ଧକ୍କା ଦେଇଛି । ପ୍ରଥମେ କାରଟି ଏକ ଟାଟା ମ୍ୟାଜିକକୁ ଧକ୍କା ଦେଇଥିଲା । ଏହାପରେ ଏକ ଡାଲା ଅଟୋ ଓ ପରେ ପରେ ଏକ ପାସେଞ୍ଜର ଅଟୋ ଓ ଅନ୍ୟ ଏକ ଅଟୋକୁ ଧକ୍କା ଦେଇଥିଲା ।

ଦୁର୍ଘଟଣାରେ କାହାର କିଛି କ୍ଷତି ହୋଇନି । ତେବେ ଦୁର୍ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି । ଉତ୍ତ୍ୟକ୍ତ ଲୋକେ ଦୁର୍ଘଟଣା ଘଟାଇ ଥିବା କାରଟିକୁ ଭଙ୍ଗା ରୁଜା କରିଛନ୍ତି । ଏପରିକି ଦୁର୍ଘଟଣା ଖବର ପାଇ ସେଠାରେ ପହଞ୍ଚି ଥିବା ପୋଲିସ ବି ଉତ୍ତ୍ୟକ୍ତ ଲୋକଙ୍କ ପାଖରୁ ରକ୍ଷା ପାଇ ନଥିଲେ । ଉତ୍ତ୍ୟକ୍ତ ଲୋକେ ପିସିଆର ଭ୍ୟାନକୁ ଘେରିଯିବା ସହ ବାଟ ଛାଡି ନଥିଲେ । ରିପୋର୍ଟ ଲେଖାଯିବା ପର୍ଯ୍ୟନ୍ତ ଘଟଣା ସ୍ଥଳରେ ଉତ୍ତ୍ରଜନା ଲାଗି ରହିଛି । ଉତ୍ତ୍ୟକ୍ତ ଲୋକଙ୍କୁ ଶାନ୍ତ କରିବାକୁ ପୋଲିସ ଉଦ୍ୟମ ଚଲାଇଛି ।