ଘର ମାଲିକକୁ ନିଶା ଦେଇ ଲୁଟିନେଲେ ଭଡାଟିଆ ଦମ୍ପତି
ମାଲାକାନଗିରି: ମିଠାରେ ନିଶାଦେଇ ଘରମାଲିକଙ୍କ ଘରୁ ଲୁଟିଲେ ଭଡ଼ାଟିଆ । ଲକ୍ଷେ କିମ୍ବା ଦୁଇ ଲକ୍ଷ ନୁହେଁ, ଏକାଥରକେ 23 ଲକ୍ଷ ଟଙ୍କାରୁ ଅଧିକ ମୂଲ୍ୟର ସୁନା ଅଳଙ୍କାର ଓ ନଗଦ 2 ଲକ୍ଷ ଟଙ୍କା ନେଇଯାଇଛନ୍ତି ଭଡ଼ାଟିଆ । ମାଲାକାନଗିରି ସଦର ମହକୁମା ବିବିଗୁଡ଼ା ବସ୍ତିରେ ଏହି ଘଟଣା ଘଟିଛି ।
ସୂଚନା ମୁତାବକ ଏହି ଲୁଟ୍ର ଶିକାର ହୋଇଛନ୍ତି ସୁବାସ ପଟେଲ । ଲୁଟେରା ମାନେ ଭଡ଼ାଟିଆ ସୁବାସଙ୍କ ଘରେ ୩ ମାସ ହେଲା ରହୁଥିଲେ । ଗତକାଲି ରାତିରେ ସୁବାସଙ୍କ ପରିବାର ଲୋକଙ୍କୁ ମିଠାରେ ନିଶା ଦେଇ ଲୁଟ୍ କରିଥିବା ଅଭିଯୋଗ ହୋଇଛି । ଲୁଟ୍ ପରେ ଭଡ଼ଟିଆ ଦମ୍ପତି ଫେରାର୍ ହୋଇଯାଇଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚିବା ସହ ତଦନ୍ତ ଆରମ୍ଭ କରିଛି ।
