GST ଚୋରି କଲେ ଲାଗିବ ୧୦ ହଜାର ଜରିମାନା: ଏପ୍ରିଲ ପହିଲାରୁ ବଦଳିଯିବ ନିୟମ
1 min read
ଭାରତ ସରକାର ଦ୍ରବ୍ୟ ଓ ସେବା କର (GST)ର ନିୟମରେ ଅନେକ ପରିବର୍ତ୍ତନ କରିଛନ୍ତି । ଏହାଫଳରେ ଏପ୍ରିଲ ପହିଲାରୁ ଇନପୁଟ ସର୍ଭିସ ଡିଷ୍ଟ୍ରିବ୍ୟୁଟର ସିଷ୍ଟମ ଲାଗୁ ହେବାକୁ ଯାଉଛି । ପୂର୍ବରୁ ବିଜିନେସ କରୁଥିବା ଲୋକଙ୍କ ପାଖରେ କମନ ଆଇଟିସିକୁ ନିଜର ଅନ୍ୟ ଜିଏସଟି ରେଜିଷ୍ଟ୍ରେସନରେ ଆବଣ୍ଟିତ କରିବା ପାଇଁ ଦୁଇଟି ଅପ୍ସନ ଦିଆଯାଉଥିଲା । ସେଥିରେ ଦୁଇଟି ଅପ୍ସନ ଏହା ଥିଲା ଯେ, ଆଇଏସଡି ମେକାନିଜିମ ବା କ୍ରସ-ଚାର୍ଜ ମେଥଡ, ମାତ୍ର ଏବେ ଏପ୍ରିଲ ୧ରୁ ଆଇଏସଡିର ବ୍ୟବହାର ନକଲେ ରେସିପିଏଣ୍ଟ ଲୋକେସନ ପାଇଁ ଆଇଟିସି ଦିଆଯିବ ନାହିଁ । ଯଦି ଆଇଟିସିର ଭୁଲ ବିତରଣ ହୁଏ, ତେବେ ଟ୍ୟାକ୍ସ ଅଥରିଟି ସୁଧ ସହିତ ରାଶି ଆଦାୟ କରିଥାନ୍ତି । ଏଥିସହିତ ଅନିୟମିତ ବିତରଣ ପାଇଁ ଜରିମାନା ମଧ୍ୟ ଲାଗିଥାଏ, ଯାହା ଆଇଟିସିର ରାଶି ବା ୧୦ ହଜାର ଟଙ୍କାରୁ ମଧ୍ୟ ଅଧିକ ହେବ ।
କୁହାଯାଉଛି, ଏହି ପରିବର୍ତ୍ତନ ଜିଏସଟି ସିଷ୍ଟମକୁ ଆହୁରି ଅଧିକ ବ୍ୟବସ୍ଥିତ କରିବା ଦିଗରେ ଏକ ବଡ଼ ପଦକ୍ଷେପ ହେବ । ଆଇଏସଡି ସିଷ୍ଟମ ରାଜ୍ୟମାନଙ୍କ ମଧ୍ୟରେ ଟ୍ୟାକ୍ସ ରେଭିନ୍ୟୁ ବିତରଣ କରିବା ସହିତ ବ୍ୟବସାୟୀଙ୍କୁ ମଧ୍ୟ ନିଜର ଟ୍ୟାକ୍ସ ନେଣଦେଣରେ ସୁଫଳ ପ୍ରଦାନ କରିବ । ଏହି ପଦକ୍ଷେପ ଟ୍ୟାକ୍ସ ଚୋରିକୁ ରୋକିବା ଓ ସିଷ୍ଟମରେ ପାରଦର୍ଶିତା ଆଣିବା ପାଇଁ ବହୁତ ସହାୟତା ପ୍ରଦାନ କରିବ ।
