ଡରାଉଛି ବ୍ରିଟେନ ଷ୍ଟ୍ରେନ; ଆଲର୍ଟ ତେଲେଙ୍ଗାନା

ହାଇଦ୍ରାବାଦ: ବ୍ରିଟେନରେ ବ୍ୟାପିଛି କରୋନା ଷ୍ଚ୍ରେନ । କରୋନାର ନୂଆ ଲକ୍ଷଣ ବା ଷ୍ଟ୍ରେନକୁ ନେଇ ଏବେ ସାରା ବିଶ୍ୱ  ଆତଙ୍କିତ । ଏହି ସମୟରେ ଭାରତକୁ ଫେରିଛନ୍ତି ବିର୍ଟେନ ଫେରନ୍ତା  । ଯାହା ମଧ୍ୟରେ କେବଳ ତେଲେଙ୍ଗାନା ଫେରିଛନ୍ତି ୧୨୦୦ ଯାତ୍ରୀ  । ଫଳରେ ଆଲର୍ଟ ହୋଇଛନ୍ତି ତେଲେଙ୍ଗାନା ସରକାର  । ଯେଉଁମାନେ ବ୍ରିଟେନରୁ ଫେରିଛନ୍ତି ସେମାନଙ୍କ ସ୍ୱାସ୍ଥ୍ୟ ସ୍ଥିତି ଯାଞ୍ଚ ହେଉଛି। ଏବଂ ବ୍ରିଟେନରୁ ତେଲେଙ୍ଗାନା ଫେରିଥିବା ଯାତ୍ରୀଙ୍କ ମଧ୍ୟରୁ ୧୬ ଜଣ କରୋନା ପଜିଟିଭ୍ ଜଣାପଡିଥିବା କହିଛନ୍ତି ତେଲେଙ୍ଗାନା ସ୍ୱାସ୍ଥ୍ୟ ବିଭାଗର ପ୍ରମୁଖ ଅଧିକାରୀ  ।

ଗୋଟେପଟେ ବ୍ରିଟେନରେ କୋଭିଡର ନୂଆ ଷ୍ଟ୍ରେନ ବ୍ୟାପିବାରେ ଲାଗିଛି  । ସମଗ୍ର ବିଶ୍ୱ ଏବେ ଭୟଭୀତ  । ତେଲେଙ୍ଗାନା ଫେରୁଥିବା ଯାତ୍ରୀଙ୍କ  ରିପୋର୍ଟ ନେଗେଟିଭ୍ ରହିଲେ ଗାଇଡ୍ ଲାଇନ୍ ଅନୁଯାୟୀ ସେମାନଙ୍କୁ ଘରେ ରହିବାକୁ ହେବ। ନଚେତ ନିୟମ ଅନୁଯାୟୀ ସେମାନଙ୍କୁ କ୍ୱାରେଣ୍ଟାଇନରେ ରହିବାକୁ ପଡିବ ବୋଲି କହିଛନ୍ତି ତେଲେଙ୍ଗାନା ସରକାର ।  ବ୍ରିଟେନରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ୁଥିବା ଦେଖି ଭାରତ ସରକାର ଡିସେମ୍ୱର ୩୧ ଯାଏ ଭାରତ ଏବଂ ବ୍ରିଟେନ ମଧ୍ୟରେ ସମସ୍ତ ବିମାନ ସେବା ବାତିଲ କରିଛନ୍ତି। ଯେଉଁମାନେ ବ୍ରିଟେନରୁ ଆସିବେ ସେମାନଙ୍କର ଆରଟି-ପିସିଆର ଟେଷ୍ଟ ହେବ  ।