କ୍ରାସ ହେଲା ଭାରତର ତେଜସ୍, ୨୩ ବର୍ଷ ଇତିହାସରେ ପ୍ରଥମ
ନୂଆଦିଲ୍ଲୀ: କ୍ରାସ ହେଲା ସ୍ବଦେଶୀ ଜ୍ଞାନକୌଶଳରେ ନିର୍ମିତ ତେଜସ୍ ବିମାନ । ପରୀକ୍ଷଣର ୨୩ ବର୍ଷ ପରେ ପ୍ରଥମ ଥର ପାଇଁ କ୍ରେସ ହେଲା ତେଜସ୍ । ରାଜସ୍ଥାନର ଜୟସେଲମେରରେ ବିମାନଟି କ୍ରାସ ହୋଇଥିବା ଜଣାପଡିଛି । ମେଘଓ୍ବାଲ ଛାତ୍ରାବାସ ଉପରେ ବିମାନଟି କ୍ରେସ ହୋଇ ପଡିଥିବା ଜଣାପଡିଛି ।
କ୍ରେସ ହେବା ପରେ ଏଥିରେ ବିସ୍ଫୋରଣ ଘଟି ନିଆଁ ଲାଗି ଯାଇଥିଲା । ତେବେ କ୍ରାସ ପୂର୍ବରୁ ଏଥିରେ ଥିବା ପାଇଲଟି ସୁରକ୍ଷିତ ଅବତରଣ କରିଯାଇଥିଲେ । ବାୟୁସେନାର ତେଜସ ପ୍ରଶିକ୍ଷଣ ସମୟରେ ଏହି ବିମାନ ଦୁର୍ଘଟଣା ଘଟିଛି । ଦୁର୍ଘଟଣାର କାରଣ ଜାଣିବାକୁ କୋର୍ଟ ଅଫ ଇନକ୍ଵାରୀ ନିର୍ଦ୍ଦେଶ ଦେଇଛି ବାଯୁସେନା । ବିମାନ ଦୁର୍ଘଟଣା ନେଇ ବାୟୁସେନା ପକ୍ଷରୁ ସୋସିଆଲ ମିଡିଆ ଏକ୍ସରେ ଏହି ସୂଚନା ଦିଆଯାଇଛି ।
ପ୍ରଥମ ଥର ଲାଗି ଭାରତୀୟ ବାୟୁସେନା ଇତିହାସରେ ତେଜସ ବିମାନ କ୍ରାସ ହୋଇଛି । ୨୦୦୧ ମସିହାରେ ଏହି ବିମାନର ପ୍ରଥମ ପରୀକ୍ଷଣ ହୋଇଥିଲା । ଏହାପରେ ୨୦୧୬ରେ ବିମାନକୁ ଭାରତୀୟ ବାଯୁସେନାରେ ସାମିଲ କରାଯାଇଥିଲା ।
