ଜନ୍ମାଷ୍ଟମୀ ପୋଷ୍ଟରରେ ଅର୍ଜୁନ ଗାଏବ, RJD ଭିତରେ ସବୁ ଠିକ ଚାଲିନି
1 min read
ପାଟନା: ପୋଷ୍ଟରରେ କୃଷ୍ଣ ଅଛନ୍ତି କିନ୍ତୁ ଅର୍ଜୁନ ଉଭାନ । ଜନ୍ମାଷ୍ଟମୀରେ ବିହାର କୃଷ୍ଣ-ଅର୍ଜୁନଙ୍କ ବିବାଦ ପଦାରେ ପଡିଛି । କାରଣ ବିହାର ରାଜନୀତିରେ ସବୁକିଛି ଠିକ ଚାଲି ନାହିଁ ବୋଲି ସ୍ପଷ୍ଟ ଜଣାପଡୁଛି । ଲାଲୁଙ୍କ ପରିବାରରେ ଜନ୍ମିତ କୃଷ୍ଣ ଅର୍ଜୁନଙ୍କ ଭିତର କଥା ଏବେ ପଦାରେ ପଡିଛି । ଅର୍ଥାତ ଜନ୍ମାଷ୍ଟମୀରେ ଛାତ୍ର ଆରଜେଡ଼ି ପକ୍ଷରୁ ଲଗାଯାଇଥିବା ପୋଷ୍ଟରରେ ନିଜକୁ କୃଷ୍ଣ ବୋଲି କହୁଥିବା ତେଜପ୍ରତାପ ରହିଥିବାବେଳେ ବଡ଼ ଭାଇ ଅର୍ଥାତ ତେଜପ୍ରତାପ ଯାହାଙ୍କୁ ଅର୍ଜୁନ ବୋଲି ସମ୍ବୋଧନ କରନ୍ତି, ତେଜସ୍ୱୀ ଗାୟବ ରହିଛନ୍ତି ।
କିଛି ଦିନ ତଳେ ଏନେଇ ଏକ ଜାତୀୟ ଗଣମାଧ୍ୟମରେ ମୁହଁ ଖୋଲିଥିଲେ ତେଜପ୍ରତାପ । କିନ୍ତୁ ଦଳରେ ସବୁକିଛି ଠିକ ଚାଲିଥିବା ନେଇ କହିଥିଲେ ତେଜପ୍ରତାପ । କିନ୍ତୁ ବର୍ତ୍ତମାନ ବିହାର ରାଜରାସ୍ତାରେ ଲାଗିଥିବା ପୋଷ୍ଟର ହିଁ ସୂଚାଇ ଦେଇଛି ଯେ କୃଷ୍ଣ ଏବଂ ଅର୍ଜୁନଙ୍କ ସମ୍ପର୍କ । ସେପଟେ ଗଣମାଧ୍ୟମରେ ଏହି ଖବର ପ୍ରସାରିତ ହେବାପରେ ପୋଷ୍ଟରରେ ପୁଣି ତେଜସ୍ୱୀଙ୍କ ଫଟୋ ପୁନଃ ଲଗାଯାଇଥିବା ଦେଖିବାକୁ ମିଳିଛି ।
ଖୋଦ ତେଜପ୍ରତାପ ନିଜ ସୋସିଆଲ ମିଡିଆ ଆକାଉଣ୍ଟରେ ଫଟୋ ପୋଷ୍ଟ କରିଛନ୍ତି । ଯେଉଁଥିରେ ତେଜସ୍ୱୀଙ୍କ ଫଟୋ ରହିଛି । କିଛିଦିନ ତଳେ ଛାତ୍ର ଅରଜେଡ଼ିର କାର୍ଯ୍ୟକାରାଣୀ ବୌଠକ ବସିଥିବାବେଳେ ସେଠାରେ ଲାଗିଥିବା ପୋଷ୍ଟରରେ ମଧ୍ୟ ଦେଖିବାକୁ ମିଳିନଥିଲା ତେଜସ୍ୱୀଙ୍କ ଫୋଟେ ।
