ନନ୍ଦିଘୋଷ ଟିଭିର ମହାପ୍ରଭାବ, ରସିକିଆ RIଙ୍କ ବିରୋଧରେ ତହସିଲଦାରଙ୍କ ଏତଲା
ଢେଙ୍କାନାଳ: ଗଦାଶିଳାର ନିଲମ୍ବିତ ରସିକିଆ ଆର.ଆଇଙ୍କ ବିରୋଧରେ ଏତଲା । ଗତ ରବିବାର ୧୧ ତାରିଖରେ ନନ୍ଦିଘୋଷ ଟିଭିରେ ଗଦାଶିଳା ତହସିଲଦାର ରଞ୍ଜନ ପାଣିଗ୍ରାହୀଙ୍କ ଭିଡିଓ ପ୍ରସାରିତ ହୋଇଥିଲା । ଯେଉଁଥିରେ ଆର.ଆଇ ଜଣଙ୍କ ଅଫିସକୁ ବେଡ୍ ରୁମରେ ପରିଣତ କରି ଆପତ୍ତିଜନକ କାର୍ଯ୍ୟ କରୁଥିବା ଦେଖା ଯାଇଥିଲା । ନନ୍ଦିଘୋଷ ଟିଭିରେ ଖବର ପ୍ରସାରଣ ପରେ ପ୍ରଶାସନ ତାଙ୍କୁ ଚାକିରିରୁ ନିଲମ୍ବିତ କରିଥିଲା ।
ଆଜି ଓଡ଼ପଡ଼ା ତହସିଲଦାର ରସିକିଆ ଆର.ଆଇ ରଞ୍ଜନ ପାଣିଗ୍ରାହୀଙ୍କ ନାଁରେ ସଦର ଥାନାରେ ଏତଲା ଦେଇଛନ୍ତି । ଅଫିସ୍ ସମୟରେ ତାଙ୍କର ଅନୈତିକ କାର୍ଯ୍ୟ ନେଇ ତହସିଲଦାର ଥାନାରେ ଏତଲା ଦେଇଛନ୍ତି । ଏଥିସହ ଅଫିସର ଗୁରୁତ୍ୱପୂର୍ଣ୍ଣ କାଗଜପତ୍ର ଅଫିସ୍ ପରିସର ବାହାରୁ ମିଳିଥିବା ସେ ଏତଲାରେ ଉଲ୍ଲେଖ କରିଛନ୍ତି । ଏସବୁର ତଦନ୍ତ ପାଇଁ ପୋଲିସରେ ଏତଲା ଦେଇଛନ୍ତି ତହସିଲଦାର ।
ଏଥିସହ ନନ୍ଦିଘୋଷ ଟିଭିରେ ପ୍ରସାରିତ ଭିଡିଓ କ୍ଲିପକୁ ତହସିଲଦାର ଏତଲାରେ ପ୍ରମାଣ ଭାବେ ଦେଇଛନ୍ତି । ଏନେଇ ଓଡ଼ାପଡ଼ା ତହସିଲଦାରଙ୍କ ପକ୍ଷରୁ ଆଜି ମେମୋ ନମ୍ବର ୧୮୨୯ରେ ସଦର ଥାନାକୁ ଏତଲା ଲେଖାଯାଇଛି ।
